ఆ హీరోయిన్ తో పీకల్లోతు ప్రేమలో రామ్?

తెలుగు సినీ పరిశ్రమలో ఎనర్జిటిక్ స్టార్ ఎవరంటే అందరూ ముందుగా చెప్పే పేరు రామ్ పోతినేని. తన సినిమాలతో అందరి హీరోల అభిమానులను తన అభిమానులుగా చేసుకున్నాడు. రామ్ సినిమా అంటే మినిమం గ్యారంటీ ఉంటుందనే భరోసా నిర్మాతలకే కాకుండా డిస్ట్రిబ్యూటర్లకు కూడా ఉంటుంది. అందుకే తన సినిమా విడుదలవుతుందంటే నిర్మాత చెప్పిన రేటుకు సినిమాను కొనేస్తారు.

తెలుగు పరిశ్రమలో మోస్ట్ ఎలిజబుల్ బ్యాచిలర్ ఎవరంటే ప్రభాస్ పేరు ఠక్కున చెబుతారు. ఆ తర్వాత బ్యాచిలర్ ఎవరయ్యా అంటే రామ్ పేరు చెబుతారు. రామ్ కు వివాహం చేయడానికి ఇంట్లో ప్రయత్నాలు చేస్తున్నప్పటికీ సినిమా రంగానికే చెందిన ఒక హీరోయిన్ తో పీకల్లోతు ప్రేమలో ఉన్నాడనే వార్త వైరల్ గా మారింది. సోషల్ మీడియాలో ఈ వార్తే ట్రెండ్ అవుతోంది.

అనుపమ పరమేశ్వరన్ ను ప్రేమిస్తున్నాడని, అందుకే పెళ్లి చేసుకోవడంలేదని, ఆమెతో అన్నీ సెట్ అయి, ఇంట్లో పెద్దలకు చెప్పి వారు ఒప్పుకున్న తర్వాతే బయట ప్రపంచానికి చెప్పాలనే ఆలోచనలో ఉన్నట్లు చెబుతున్నారు. తనకంటూ ఒక హీరోయిజాన్ని, క్రేజ్ ను సొంతం చేసుకున్న రామ్ తన ప్రేమకు కూడా క్రేజీ హీరోయిన్నే ఎంపిక చేసుకున్నాడంటున్నారు.

వీళ్లిద్దరూ కలిసి హలో గురూ ప్రేమకోసమే సినిమా చేశారు. ఆ సినిమాలో వీరిద్దరి కెమిస్ట్రీ అందరినీ ఆకట్టుకుంది. బయట కూడా వీళ్లిద్దరూ మంచి స్నేహితులుగా ఉన్నారు. వరుణ్ తేజ్, లావణ్య త్రిపాఠి కూడా ప్రేమించుకొని ఇంట్లో అందరూ పెద్దవారు ఒప్పుకున్న తర్వాతే బయట ప్రపంచానికి చెప్పారని, అలాగే వీరిద్దరు కూడా చేస్తున్నారంటున్నారు. ఈ వార్తలో ఎంతవరకు నిజముందో అనేది వీరిద్దరూ అధికారికంగా ధ్రువీకరిస్తేనే స్పష్టత వస్తుంది. అప్పటివరకు ఎవరికి తోచినది వారు రాసుకోవడమే.

English summary

Ram Pothineni is the first name that everyone mentions as an energetic star in the Telugu film industry.