Romanchakam: చిన్న సినిమాకు అద్దిరిపోయే కలెక్షన్స్..

ఇటీవలి కాలంలో చిన్న సినిమాలదే హవా నడుస్తోంది. పెద్ద పెద్ద భారీ బడ్జెట్ సినిమాలు రిలీజై ప్రేక్షకుల్ని అలరించడంలో విఫలం అవుతున్నాయి. రూ. వందల కోట్లతో తెరకెక్కించిన సినిమాలు బాక్సాఫీస్ వద్ద బోల్తా కొడుతున్నాయి. ఈ నేపథ్యంలో సైలెంట్ గా వచ్చిన చిన్న సినిమాలు సూపర్ హిట్ అవుతున్నాయి. ప్రస్తుతం టాలీవుడ్ లో ఇలాంటి ట్రెండ్ కొనసాగుతోంది. అంతేకాక ఇటీవలికాలంలో లవ్ స్టోరీస్ ను ప్రేక్షకులు ఆదరిస్తున్నారు. ఈ నేపథ్యంలో సెప్టెంబర్ 3 న విడుదలైన మూవీ 'రోమాంచకం'.. సుమంత్ ప్రభాస్, అనంతిక సనీల్ కుమార్ ప్రధాన పాత్రల్లో నటించిన ఈ మూవీకి వేణుగోపాల్ రెడ్డి దర్శకత్వం వహించారు. పాన్ ఇండియా కల్ట్ డైరెక్టర్ సందీప్ రెడ్డి వంగా సొంత నిర్మాణ సంస్థ అయిన భద్రకాళి పిక్చర్స్ బ్యానర్ ​పై ఈ సినిమాను నిర్మించారు. అటు పాన్ ఇండియా సూపర్ స్టార్ ప్రభాస్ ఈ మూవీని ప్రొమోట్ చేయడంతో రిలీజ్ కు ముందే రోమాంచకం మూవీపై భారీగా అంచనాలు ఏర్పడ్డాయి.

ఇక 'రోమాంచకం' మూవీ ఫస్ట్ డే రోజున రూ. 1.75 కోట్లు వసూలు చేసింది. ప్రీమియర్స్, ఫస్ట్ డే కలిపి ఈ కలెక్షన్లు అని చెప్పొచ్చు. రెండో రోజు ఈ మూవీ రూ. 1.47 కోట్లు వసూలు చేసింది. ఈ క్రమంలో రోమాంచకం మూవీకి రెండు రోజుల్లోనే రూ.3.22కోట్లు రావడం విశేషం. ఇప్పుడిప్పుడే కెరీర్ స్టార్ట్ చేసిన సుమంత్ ప్రభాస్ కు ఇవి మంచి వసూళ్లని చెప్పొచ్చు. ఈ మూవీకి రూ. 10 కోట్ల బడ్జెట్ ఖర్చు కాగా ఈ వీకెండ్ పూర్తయ్యే సరికి రికవరీ అవుతుందని చిత్ర యూనిట్ ధీమా వ్యక్తం చేస్తోంది. శని, ఆదివారాలు పుంజుకుంటే ఈ మూవీ సెకండ్ వీక్ లోనే బ్రేక్‌ ఈవెన్‌ ను పూర్తి చేసుకునే ఛాన్స్ ఉన్నట్లు తెలుస్తోంది.

ఇక రోమాంచకం మూవీ విషయానికి వస్తే ఈ మూవీలో కామెడీ, స్టోరీలోని సస్పెన్స్, హీరో హీరోయిన్ మధ్య సాగే కెమిస్ట్రీ స్క్రీన్ పై వర్కవుట్ అయినట్లు స్పష్టం అవుతోంది. ఇది మస్త్ టైమ్ పాస్ మూవీ అని సామాజిక మాధ్యమాల్లో కామెంట్స్ వినిపిస్తున్నాయి. డైరెక్టర్ గా వేణుగోపాల్​ రెడ్డికి ఇది ఫస్ట్ మూవీ అయినప్పటికీ సినిమా చూస్తుంటే ఆ ఫీల్ కనిపించదట. చాలా సీన్స్ లో ఆయన మార్క్ ఎంటర్ టైన్ మెంట్ ఉంటుందని తెలుస్తోంది. ఇక సుమంత్‌ ప్ర‌భాస్‌, అనంతిక స‌నీల్‌ కుమార్ జంట ఈ సినిమాకి ప్ర‌ధాన ఆక‌ర్ష‌ణ‌గా నిలుస్తుంది. అలాగే వీరి ఫ్రెండ్స్ గా చేసిన నరేంద్ర రవి, వెంకటేశ్ కాకుమాను తదితరులు స్క్రీన్ పై నవ్వులు పూయించారని తెలుస్తోంది. మొత్తానికి రోమాంచకం మూవీ క్లీన్ కామెడీ ఎంటర్ టైనర్ అని చెప్పొచ్చు.