ఆమె పక్కన కూర్చోవాలంటే సిగ్గేసింది - సమంత అత్తయ్య

స్టార్ హీరోయిన్ సమంత.. బాలీవుడ్ డైరెక్టర్ రాజ్ నిడిమోరుతో కలిసి ఏడడుగులు వేసి కొత్త జీవితం జీవితం మొదలుపెట్టింది. వీళ్లిద్దరి వివాహం గత సోమవారం ( డిసెంబర్ 1వ తేదీ, 2025 ) ఉదయం కోయంబత్తూర్‌లోని ఈశా ఫౌండేషన్ యోగా సెంటర్‌లో ఉన్న లింగ భైరవి దేవాలయంలో జరిగింది. వీరి వివాహం భూత శుద్ధి పద్ధతిలో జరిగింది. అందరికీ సర్ ప్రైజ్ ఇస్తూ సామ్ సోషల్ మీడియా వేదికగా ఈ అనౌన్స్ మెంట్ చేసింది. ఈ పెళ్లి వేడుక ఇరువురి కుటుంబ సభ్యులు, అత్యంత సన్నిహితుల సమక్షంలో ఘనంగా నిర్వహించారు.

కాగా సినీ పరిశ్రమలో సింగర్ గా గుర్తింపు సంపాదించుకున్నారు శోభారాజ్. ఈమె స్వయంగా దర్శకుడు రాజ్ కు చిన్నమ్మ అవుతారు. ఈ క్రమంలోనే ఒక ఇంటర్వ్యూలో పాల్గొన్న శోభ రాజ్.. సమంత - రాజ్ పెళ్లి గురించి ఆసక్తికరమైన విషయాలను వెల్లడించారు. దీంతో ఆమె చేసిన కామెంట్స్ ప్రస్తుతం ఫుల్ వైరల్ గా మారాయి. ఇందుకు సంబంధించిన వీడియోలు సైతం నెట్టింట హల్ చల్ చేస్తున్నాయి.

ఆమె ఏమన్నారంటే..

శోభారాజ్ మాట్లాడుతూ.. సమంత తమ కుటుంబంలోకి కోడలిగా రావడం అదృష్టమని అన్నారు. సమంత చాలా మంచి అమ్మాయని.. పద్ధతిగా ఉంటారని వ్యాఖ్యానించారు. అలానే పెళ్లి చీరలో చాలా చూడముచ్చటగా ఉందని.. అలాంటి అమ్మాయి రాజ్ జీవితంలోకి రావడం చాలా సంతోషంగా ఉందని తెలిపారు. అంతే కాకుండా తాను గతంలోనే ఈషా ఫౌండేషన్ లో సమంతను రెండు మూడు సార్లు కలిశానని వెల్లడించారు.

ఆ సమయంలో సమంత చాలా సన్నగా ఉండేదని శోభారాజ్ తెలిపారు. అంత సన్నగా అమ్మాయి పక్కన కూర్చోవాలంటే తనకు కాస్త సిగ్గు అనిపించిందని చెప్పుకొచ్చారు. అప్పుడే తాను కూడా కొంచెం సన్నగా అవ్వాలంటే ఏం చేయాలని అడిగానని.. అప్పుడు కొన్ని వర్కౌట్స్ చెప్పిందని వివరించారు. కానీ అవి ఫాలో అవ్వడం తన వల్ల కాదని చెప్పేసానని శోభరాజ్ స్పష్టం చేశారు. అంతే కాకుండా దేవుడిపై ఎంతో భక్తి ఉన్న అమ్మాయి రాజ్ జీవితంలోకి రావడం మంచి పరిణామమని సంతోషం వ్యక్తం చేశారు.

ఇక సామ్ సినిమాల విషయానికి వస్తే.. ప్రస్తుతం 'రక్త్‌ బ్రహ్మాండ్‌' అనే వెబ్ సిరీస్‌ లో నటిస్తున్నారు. రాజ్‌, డీకే దర్శకత్వంలో ఈ సిరీస్ తెరకెక్కిస్తుండగా.. ఆదిత్య రాయ్‌ కపూర్‌ లీడ్ రోల్ లో నటిస్తున్నారు. అలానే ఒక హాలీవుడ్ చిత్రంలో కూడా నటిస్తూ బిజీగా ఉన్నారు. అంతే కాకుండా ప్రస్తుతం మా ఇంటి బంగారం అనే సినిమా షూటింగ్ పనులలో సమంత బిజీగా ఉన్నారు.

English summary

Star heroine Samantha has started a new life with Bollywood director Raj Nidimoru. The wedding of the two took place last Monday at the Linga Bhairavi Temple located at the Isha Foundation Yoga Center in Coimbatore.