ఓటీటీలో సంచలనం సృష్టిస్తున్న రియల్ లైఫ్ రొమాంటిక్ థ్రిల్లర్!
సినిమా థియేటర్లకే పరిమితం కాకుండా నేరుగా ఓటీటీల్లో విడుదలవుతున్న కంటెంట్ ప్రేక్షకులను విపరీతంగా ఆకట్టుకుంటోంది. అందులోనూ సస్పెన్స్, ఊహకందని మలుపులతో సాగే థ్రిల్లర్లకు సోషల్ మీడియాలో విపరీతమైన క్రేజ్ ఉంటోంది. సరిగ్గా అలాంటి జోనర్‌కే చెందిన ఓ బెంగాలీ చిత్రం ప్రస్తుతం డిజిటల్ వేదికగా ప్రేక్షకులను విశేషంగా అలరిస్తోంది. లాక్‌డౌన్ సమయంలో ఒక సాధారణ మధ్యతరగతి కుటుంబంలో జరిగిన వాస్తవ సంఘటనల ఆధారంగా తెరకెక్కిన ఈ చిత్ర విశేషాలు ఆసక్తికరంగా ఉన్నాయి.
స్వస్తిక ముఖర్జీ ప్రధాన పాత్రలో..
'తాషెర్ ఘౌర్' పేరుతో తెరకెక్కిన ఈ సినిమాకు సుదీప్తో రాయ్ దర్శకత్వం వహించగా, ప్రముఖ నటి స్వస్తిక ముఖర్జీ ప్రధాన పాత్రలో నటించారు. ఈ కథంతా మీరా అనే గృహిణి చుట్టూ తిరుగుతుంది. పెళ్లై ఏళ్లు గడుస్తున్నా సంతానం కలగకపోవడం, ఆపై ఆరోగ్య సమస్యల కారణంగా భర్త రమేష్ ప్రవర్తనలో క్రమంగా మార్పు రావడం, మరో మహిళతో సంబంధం పెట్టుకుని భార్యను నిర్లక్ష్యం చేయడం వంటి పరిణామాలతో కథ నడుస్తుంటుంది. లాక్‌డౌన్ వేళ ఇంట్లోనే ఉంటున్న భర్త పెట్టే మానసిక వేధింపులు, పడక గదిలోనూ మరో మహిళతో ఫోన్ మాట్లాడుతూ భార్యను క్షోభకు గురిచేసే సన్నివేశాలు తీవ్ర ఉద్వేగానికి గురిచేస్తాయి.
భర్త మోసాన్ని భరించలేక..
ఈ గృహహింసను, భర్త మోసాన్ని భరించలేకపోయిన ఆ ఇరుకైన ఇంట భార్య తీసుకునే సంచలన నిర్ణయమే ఈ చిత్రానికి అసలు సిసలు హైలైట్. మంచం పట్టిన అత్తగారిని కనిపెట్టాల్సిన ఒత్తిడితో పాటు, భర్త పెట్టే వేధింపులు తారాస్థాయికి చేరడంతో రాత్రి భోజనంలో ఎలకల మందు కలపాలని మీరా నిర్ణయించుకుంటుంది. ఆ తర్వాత కథలో ఊహించని మలుపులు, ప్రేక్షకులను కుర్చీ అంచున కూర్చోబెట్టే ట్విస్టులు ప్రారంభమవుతాయి. చివరికి ఆ భర్త బతికాడా? ఆ ఇల్లాలికి నిజంగా స్వేచ్ఛ దక్కిందా? లేదా ఊహించని పతాక సన్నివేశం ఎదురైందా అనే ప్రశ్నలకు సమాధానమే ఈ చిత్ర కథాంశం. ప్రస్తుతం అమెజాన్ ప్రైమ్ వీడియో వేదికగా స్ట్రీమింగ్ అవుతున్న ఈ అరుదైన సస్పెన్స్ థ్రిల్లర్‌ను వీక్షకులను ఎంతగానో ఆకట్టుకుంటోంది.
Click it and Unblock the Notifications
Sign in with Google
