న‌టి పూజా హెగ్దేకు చంపేస్తామంటూ బెదిరింపులు...ఇందులో నిజ‌మెంత‌..?

టాలీవుడ్‌లో అల‌వైకుంఠ‌పురం చిత్రంతో మంచి ఫేమ్ సంపాదించుకుంది న‌టి పూజా హేగ్దే.. తెలుగులో ఎన్నో చిత్రాల్లో న‌టించి త‌న‌కంటూ ప్ర‌త్యేక‌మైన స్థానాన్ని కైవ‌సం చేసుకుంది ఈ బుట్ట‌బొమ్మ‌. ప్ర‌స్తుతం ఈ బ్యూటీకి తెలుగులో ఎలాంటి ప్రాజెక్ట్సు లేవు. అయితే, పూజా చేతిలో పలు హిందీ ప్రాజెక్టులు ఉన్న‌ట్లు తెలుస్తోంది. పూజా బాలీవుడ్‌లో దేవా అనే సినిమాకు సైన్ చేసిన‌ట్లుగా స‌మాచారం. ఈ సినిమాలో షాహీద్ క‌పూర్ హీరోగా న‌టిస్తున్నారు. ప్రస్తుతం ఈ సినిమా నిర్మాణ ప‌నులు చ‌క‌చ‌కా సాగిపోతున్నాయి. ఇక‌, ఈ సినిమాను 2024 దసరాకి రిలీజ్ చేసేందుకు చిత్ర యూనిట్ డేట్‌ను కూడా ఫిక్స్ చేశారు. అయితే, తాజాగా పూజా హెగ్దెకు చంపేస్తామంటూ బెదిరింపులు వ‌చ్చాయ‌ని తెలుస్తోంది. ఈ వార్త కాస్త సోష‌ల్‌మీడియాలో వైర‌ల్ అవుతోంది. అయితే, ఈ వార్త‌లో నిజ‌మెంతో తెలియాల్సి ఉంది.

ఓ క్లబ్ ఓపెనింగ్ కోసం దుబాయ్ వెళ్లారు న‌టి పూజా హెగ్దే. అయితే, అక్కడ ఆమెకు చంపేస్తామంటూ బెదిరింపులు ఎదురయ్యాయని, దీంతో పూజా వెంటనే ఇండియాకి తిరుగు ప్ర‌యాణ‌మ‌య్యార‌ని బీ టౌన్ వ‌ర్గంలోని ఒక సమాచారం సంస్థ పోస్ట్ చేసింది. అయితే, ఈ వార్త తెలుసుకున్న కొంత‌మంది అభిమానులు పూజ హేగ్దెకు ఏమైందోన‌ని ఆందోళ‌న చెందుతున్న‌ట్లు తెలుస్తోంది. ఆమె ఇండియాకు ఎప్పుడు వ‌స్తారా? అని ఎంతో అత్రుత‌గా ఎదురుచూస్తున్నారు. ఈ వార్త ఆ నోటా ఈ నోటా ప‌డి నెట్టింట తెగ చెక్క‌ర్లు కొడుతుంది.

ఈ వార్త కేవ‌లం రూమ‌రేన‌న్న బీ టౌన్ వ‌ర్గాలు : దుబాయ్‌లో క్ల‌బ్ ఓపెనింగ్‌కి వెళ్లిన పూజ‌కి అక్కడ ఒక విషయంలో మరొకరితో గట్టి వాదన జరిగిందట. ఇక ఈ వాదనలో ఎదుటివ్య‌క్తులు పూజని చంపేస్తామంటూ బెదిరించారట. దీంతో ఆమె అక్కడి నుంచి వెంటనే ఇండియాకి తిరిగి ప్రయాణమ‌య్యార‌ని బీ టౌన్‌లోని ఓ స‌మాచార సంస్థ పోస్ట్ చేసింది. అయితే, ఈ విషయం పై న‌టి పూజా హెగ్డే మాత్రం అధికారికంగా ఎలాంటి ప్ర‌క‌టన చేయ‌లేదు. అయితే ఈ వార్త కేవ‌లం రూమ‌రేన‌ని కొంద‌రు అంటున్నారు. ఈ విష‌యంపై బీటౌన్ మీడియా న‌టి పూజ‌టీమ్‌ని సంప్ర‌దించార‌ట. ఈ వార్త‌లో ఎలాంటి నిజం లేద‌ని వారు చెప్పిన‌ట్లు బీటౌన్ వ‌ర్గాలు తెలియ‌జేశాయి. అయితే, సోష‌ల్‌మీడియాలో వైర‌ల్ అయిన ఆ పోస్ట్‌ను కూడా డిలీట్ చేశారు. దీంతో ఈ న్యూస్ కేవ‌లం రూమ‌రే అని తేలిపోయింది. ఈ వార్త విన్న ఆమె అభిమానులు కాస్త ఊర‌ట ల‌భించింది.

English summary

It seems that Tollywood actress Pooja Hegde has received death threats. This news is going viral on social media. However, there is truth in this news,