ఈ ఏడాది బిగ్గెస్ట్ హిట్ అయ్యే 3 సినిమాలు ఇవేనా?
సినిమా ఇండస్ట్రీ అనగానే ఎవరికైనా ముందుగా గుర్తొచ్చేది స్టార్ హీరోలే! తమదైన క్రేజ్, వైవిధ్యమైన కంటెంట్తో ప్రేక్షకులను థియేటర్లకు రప్పించి బాక్సాఫీస్ను షేక్ చేయడం వారి ప్రత్యేకం. ఇక 2026 సంవత్సరం ఇండియన్ సినిమా రంగానికి నిజంగానే గోల్డెన్ ఇయర్గా మారుతోంది. ఇప్పటికే విడుదలైన చిత్రాలు వసూళ్ల సునామీ సృష్టిస్తుండగా, రాబోయే భారీ ప్రాజెక్టులపై అంచనాలు ఆకాశాన్ని తాకుతున్నాయి. ఈ ఏడాది సంక్రాంతి కానుకగా వచ్చిన మెగాస్టార్ చిరంజీవి చిత్రం 'మన శంకర్ వరప్రసాద్' బాక్సాఫీస్ వద్ద సరికొత్త చరిత్ర సృష్టించింది. మెగా మేనియాతో థియేటర్లను ఊపేసిన ఈ సినిమా ఏకంగా రూ. 270 కోట్ల వసూళ్లను కొల్లగొట్టి, 2026లో ఇప్పటివరకు అత్యధిక కలెక్షన్లు సాధించిన చిత్రంగా మొదటి స్థానంలో నిలిచింది.
రూ. 200 కోట్ల క్లబ్ వైపు మాస్ రాజా 'ఇరుముడి'
మరోవైపు, మాస్ మహారాజా రవితేజ కథానాయకుడిగా వచ్చిన 'ఇరుముడి' చిత్రం థియేటర్లలో భారీ విజయాన్ని నమోదు చేసుకుంది. ప్రేక్షకులను విశేషంగా అలరిస్తున్న ఈ సినిమా శరవేగంగా రూ. 200 కోట్ల మార్కు వైపు దూసుకెళ్తోంది. లాంగ్ రన్ పూర్తయ్యేసరికి ఈ చిత్రం మరిన్ని రికార్డులను తిరగరాసే అవకాశాలు కనిపిస్తున్నాయి. నేచురల్ స్టార్ నాని, దసరా దర్శకుడు శ్రీకాంత్ ఓదెల కాంబినేషన్లో వస్తున్న హై-వోల్టేజ్ యాక్షన్ డ్రామా 'ప్యారడైజ్' పై టాలీవుడ్లో భారీ అంచనాలు నెలకొన్నాయి. సెప్టెంబర్ 24న ప్రపంచవ్యాప్తంగా విడుదల కానున్న ఈ సినిమాకు పాజిటివ్ టాక్ వస్తే మాత్రం సునాయాసంగా రూ. 500 కోట్ల మార్కును అందుకుంటుందని ట్రేడ్ వర్గాలు విశ్లేషిస్తున్నాయి.
డిసెంబర్లో ప్రభాస్ 'ఫౌజీ' విధ్వంసం!
ఇక ఈ ఏడాది ముగింపులో బాక్సాఫీస్ దగ్గర అసలైన రాకాసి ప్రళయం రాబోతోంది. డార్లింగ్ ప్రభాస్ హీరోగా తెరకెక్కుతున్న పిరియాడికల్ యాక్షన్ డ్రామా 'ఫౌజీ' డిసెంబర్ 3న ప్రేక్షకుల ముందుకు రానుంది. ఈ సినిమా కనుక ప్రేక్షకులకు కనెక్ట్ అయితే మాత్రం ఏకంగా రూ. 1000 కోట్లకు పైగా వసూళ్లు రాబట్టడం ఖాయంగా కనిపిస్తోంది. ప్రస్తుతానికైతే మెగాస్టార్ చిరంజీవి 'మన శంకర్ వరప్రసాద్' అగ్రస్థానంలో కొనసాగుతుండగా.. రాబోయే రోజుల్లో నాని 'ప్యారడైజ్', ప్రభాస్ 'ఫౌజీ'లు ఈ ఆల్ టైమ్ రికార్డును బ్రేక్ చేస్తాయో లేదో చూడాలి!
Click it and Unblock the Notifications
Sign in with Google