స్టెరాయిడ్స్ ఎఫెక్ట్: పెద్ద సినిమాలను పక్కన పెట్టిన టాలీవుడ్ స్టార్ హీరో!
టాలీవుడ్లో ఓ ప్రముఖ నటుడికి సంబంధించిన సంచలన వార్త ప్రస్తుతం ఫిలిం నగర్ వర్గాల్లో తీవ్ర కలకలం రేపుతోంది. ఇటీవల విడుదలైన ఓ భారీ బడ్జెట్ పాన్-ఇండియా సినిమా కోసం ఆ హీరో బాడీ ట్రాన్స్ ఫర్మేషన్ చేశారట. అయితే ఆ నిర్దిష్టమైన లుక్ సాధించడం కోసం సదరు హీరో స్టెరాయిడ్లను ఉపయోగించాడట. సినిమా కోసం ఆయన మార్చుకు్న శరీరాకృతి తెరపై అభిమానులను విశేషంగా ఆకట్టుకున్నప్పటికీ.. దానికి ఆయన తీవ్రమైన ఆరోగ్య సమస్యలను మూల్యంగా చెల్లించాల్సి వచ్చిందని తెలుస్తోంది. స్టెరాయిడ్ల సైడ్ ఎఫెక్ట్స్ కారణంగా శరీరంలో తలెత్తెన సమస్యల వల్ల వైద్యులు ఆయనకు కొన్ని రోజుల పాటు శ్రాంతి తీసుకోవాలని, షూటింగ్ల వేగాన్ని తగ్గించాలని కచ్చితమైన సలహా ఇచ్చినట్లు సమాచారం.
బ్లాక్బస్టర్ సీక్వెల్ వాయిదా?
ఆరోగ్య పరిస్థితులు సహకరించకపోవడంతో ఆ స్టార్ హీరో తను ఒప్పుకున్న రెండు భారీ బడ్జెట్ చిత్రాలను తాత్కాలికంగా పక్కన పెట్టాలని నిర్ణయించుకున్నట్లు టాక్ నడుస్తోంది. ఇందులో ఓ సినిమా గతంలో సక్సెస్ సాధించిన ఓ భారీ బ్లాక్బస్టర్కు సీక్వెల్ కావడం ఈ వార్తలకు మరింత ప్రాధాన్యతను తెచ్చిపెట్టింది. ప్రస్తుతం ఆయన ఆరోగ్యంగా కోలుకోవడంపైనే దృష్టి సారించడంతో ఈ ప్రాజెక్టుల షూటింగ్ మరింత ఆలస్యమయ్యే అవకాశాలు కనిపిస్తున్నాయి.
ఈ వార్తలపై సదరు హీరో నుంచి కానీ ఆయన టీమ్ నుంచి కానీ ఇప్పటివరకు ఎలాంటి అధికారిక ప్రకటన లేదా స్పష్టత రాలేదు. అయినప్పటికీ సోషల్ మీడియాలో ఈ వదంతులు వేగంగా వ్యాపిస్తూ ఫ్యాన్స్ ను తీవ్ర ఆందోళనకు గురిచేస్తున్నాయి. ప్రస్తుతానికి ఇవన్నీ ఇండస్ట్రీలోని ప్రచారాలకే పరిమితమైనందున హీరో లేదా నిర్మాణ సంస్థలు స్పందించే వరకు వేచి చూడాల్సిందే.
భారత చలన చిత్రాల్లో ఇటీవల పాత్రల కోసం విపరీతమైన శారీరక రూపాంతరాలు చేసుకోవడం ఓ ట్రెండ్ గా మారింది. అయితే సహజమైన వ్యాయామం, సరైన పోషకాహారంతో కాకుండా సత్వర ఫలితాల కోసం స్టెరాయిడ్లు, ఇతర సప్లిమెంట్లను మోతాదుకు మించి వాడితే అవయవాలు దెబ్బతినడం వంటి తీవ్ర ప్రాణాంతక సమస్యలు తలెత్తుతాయని ఆరోగ్య నిపుణులు మరోసారి హెచ్చరిస్తున్నారు.
Click it and Unblock the Notifications
Sign in with Google