తెలంగాణ!: చంద్రబాబుకు సిపిఐ రాంరాం?
తెలంగాణ అంశం విషయంలో మనం ఇక నుండి మరింత దూకుడుగా ఉండాల్సి ఉంటుందని అలాంటప్పుడు టిడికి దూరంగా ఉండటమే మంచిదని అభిప్రాయపడ్డారట. ఓసారి టిడిపితో, మరోసారి కాంగ్రెసుతో ఇలా ఒక్కోసారి ఒక్కో పార్టీతో పొత్తు పెట్టుకుంటూ పరిమితమైన స్థానాల్లో పోటీ చేయడం వల్ల మనకే ఎక్కువ నష్టం జరుగుతోందని, అది పార్టీ ఉనికికే ప్రమాదంగా పరిగణమిస్తోందని మరో నాయకుడు చెప్పారు. 2009 ఎన్నికల్లోనే చిరంజీవి స్థాపించిన ప్రజారాజ్యంతో కలిసి పోటీ చేయాలని భావిస్తే జాతీయ విధానమంటూ బలవంతంగా మహాకూటమిలో చేర్పించారని, దానివల్లే నష్టపోయామని చెప్పారు. భవిష్యత్తులో అలాంటి తప్పులు చేయవద్దని దూరదష్టితో పొత్తులపై నిర్ణయాలు తీసుకోవాలని ఇంకో నేత అభిప్రాయపడ్డారు. సిపిఐ టిడిపితో జతకడుతుందనే సంకేతాలు ఇవ్వవద్దని ఓ ప్రతినిధి చెప్పారు. ప్రతినిధుల వ్యాఖ్యలు చూస్తుంటే టిడిపికి సిపిఐ దూరంగా ఉండాలనే భావిస్తున్నట్లుగా కనిపిస్తోందని రాజకీయ పరిశీలకులు భావిస్తున్నారు.
తెలంగాణకు అనుకూలంగా గత జాతీయ, రాష్ట్ర కార్యవర్గ సమావేశాల్లో తీర్మానాలు చేసినా ఉద్యమ కార్యాచరణ లేకపోవడంతో ప్రజలకు విశ్వాసం కలగడం లేదని తెలంగాణ విషయంలో ప్రజలకు నమ్మకం కలిగించే విధంగా కార్యాచరణ రూపొందించాలని చాలామంది పార్టీ ప్రతినిధులు అభిప్రాయపడ్డారు. ఈ విషయంలో అవసరమైతే టిఆర్ఎస్, బిజెపి కన్నా ముందుండాలని కొందరు అన్నారని తెలుస్తోంది. తెలంగాణ సాయుధ పోరాటం చేసిన చరిత్ర మనకుందని, పార్టీ తరఫున పది జిల్లాలలో ఓ సమావేశం ఏర్పాటు చేసి ప్రజలకు విశ్వాసం కలిగించేందుకు ప్రయత్నించాలని నిర్ణయించుకున్నారు. సీనియర్ నేత పువ్వాడ నాగేశ్వర రావు ఓ అడుగు ముందుకేసి తెలంగాణకు ప్రత్యేక కమిటీ వేస్తే బాగుంటుందని సూచించారు.
Click it and Unblock the Notifications
Sign in with Google