అల్లు-రాజమౌళి వైరం?

మగధీర సినిమా మొదటి వారంలోనే 20 కోట్ల రూపాయలు వసూలు చేసిందని సమాచారం. ఈ సినిమా దర్శకుడి ప్రతిభ వల్లనే హిట్ అయింది కానీ నిర్మాత, అతని కుమారుడు, హీరో రామ్ చరణ్ ట్యాలెంట్ పెద్దగా లేదన్న ప్రచారం సాగడంతో అల్లు అరవింద్ బాగా హర్ట్ అయినట్టు సమాచారం. కథ విషయంలో కూడా రాజమౌళి గ్రూపు తమను తప్పుదోవ పట్టించారని, ఇప్పుడు తాము లీగల్ బ్యాటిల్ ను ఎదుర్కోవలసిన పరిస్ధితులు ఏర్పడ్డాయని, నష్టపరిహారం కట్టవలసి వస్తే అది ఇంకా బాధాకరమౌతుందని అల్లు బాధపడుతున్నట్టు తెలుస్తోంది.

మంచి హిట్ అయిన ఈ సినిమా రకరకాల వివాదాలను ఎదుర్కొంటోంది. తాజాగా సినిమాను విజయనగరం జిల్లాలో బ్యాన్ చేసినట్టు మంత్రి బొత్స సత్యనారాయణ ప్రకటించారు. ఈ సినిమా మూల కథ తనదేనని ఎస్పీ చారి మీడియా వర్గాల ద్వారా గగ్గోలు పెడుతున్నారు. ఆయన మంచి న్యాయవాది ద్వారా న్యాయయుద్ధం చేయనున్నట్టు తెలిసింది. ఇక ఏం పిల్లడో పాట మీద వంగపండు ప్రసాద్ ఆందోళన చేస్తున్నారు. ఈ నేపధ్యంలో నిర్మాత అల్లుకు, దర్శకుడు రాజమౌళికి వైరం తీవ్రమైనట్టు తెలుస్తోంది.