జగన్‌కు చంద్రబాబు దారి చూపారు

By Pratap

Published: Saturday, November 12, 2011, 9:01 [IST]

తెలంగాణపై తలపట్టుకు కూర్చున్న వైయస్సార్ కాంగ్రెసు పార్టీ అధ్యక్షుడు వైయస్ జగన్మోహన్ రెడ్డికి తెలుగుదేశం పార్టీ అధ్యక్షుడు నారా చంద్రబాబు నాయుడు దారి చూపించారు. తెలంగాణలో పర్యటించడానికి చంద్రబాబు మార్గంలో వైయస్ జగన్ పయనించే అవకాశం ఉంది. చంద్రబాబు ఖమ్మం, నల్లగొండ జిల్లాలో రైతు పోరుబాట చేపట్టి పాదయాత్ర చేశారు. ఆయనకు తెలంగాణవాదుల నుంచి ఏ విధమైన ఆటంకాలు ఏర్పడలేదు. దీంతో జగన్ కూడా తెలంగాణలలో ఓదార్పు యాత్రకు ప్లాన్ చేసుకుంటున్నట్లు చెబుతున్నారు.

వైయస్ జగన్ మార్చిలో తెలంగాణలో ఓదార్పు యాత్ర నిర్వహించవచ్చునని చెబుతున్నారు. తన తండ్రి మరణించిన తర్వాత జగన్ తెలంగాణలో పర్యటించలేకపోయారు. వరంగల్ జిల్లాలో తలపెట్టిన ఓదార్పు యాత్ర గతంలో ఎదురు తిరిగింది. తీవ్ర ఉద్రిక్తతకు దారి తీసింది. జగన్ ఓదార్పు యాత్రకు చంద్రబాబు యాత్ర లైన్ క్లియర్ చేశారని చెప్పవచ్చు.

Published On November 12, 2011