వైయస్ జగన్‌తోనే సాయి ప్రతాప్?

By Pratap

Published: Friday, September 30, 2011, 9:23 [IST]

పార్లమెంటు సభ్యుడు సాయి ప్రతాప్ వైయస్సార్ కాంగ్రెసు పార్టీ అధ్యక్షుడు వైయస్ జగన్మోహన్ రెడ్డితోనే నడవాలని నిర్ణయించుకున్నట్లు ప్రచారం జరుగుతోంది. కేంద్ర మంత్రి పదవిని కోల్పోయిన తర్వాత ఆయన కాంగ్రెసులో చురుగ్గా పనిచేయడం లేదు. పైగా, వైయస్సార్‌ను కాంగ్రెసు నాయకులు విమర్శిస్తుండడాన్ని ఆయన బహిరంగంగానే తప్పు పట్టారు. రాజంపేట నుంచి లోకసభకు ఎన్నికైన ఆయనకు వైయస్ రాజశేఖర రెడ్డి చలువ వల్లనే కేంద్ర మంత్రి పదవి లభించింది.

ఆ మధ్య ప్రధాని మన్మోహన్ సింగ్ సాయి ప్రతాప్‌ను కేంద్ర మంత్రి పదవి నుంచి తప్పించి, రాష్ట్రానికి చెందిన కిశోర్ చంద్రదేవ్‌ను మంత్రివర్గంలోకి తీసుకున్నారు. అప్పటికే సాయి ప్రతాప్ కడప జిల్లాలో కాంగ్రెసు పార్టీ కోసం పనిచేయడం లేదనే విమర్శలున్నాయి. కేంద్ర మంత్రిగా కడప ఉప ఎన్నికల సమయంలో జగన్‌కు వ్యతిరేకంగా ప్రచారం చేయడానికి ముందుకు రాలేదు.

Published On September 30, 2011