BTB జ్యూస్తో అందం, ఆరోగ్యం
ఇప్పటివరకు అందరూ ఏబీసీ జ్యూస్ తాగుతున్నారు. యాపిల్, బీట్ రూట్, క్యారెట్ ను కలిపి ఏబీసీ జ్యూస్ అంటారు. దీనివల్ల ఆరోగ్యానికి చాలా మంచిదనే సంగతి తెలిసిందే. కానీ ఇప్పడు అంరూ బీటీబీ జ్యూస్ తాగుతున్నారు. వైద్యులు, పోషకాహార నిపుణులు కూడా దీన్నే సూచిస్తున్నారు. BTB జ్యూస్ అంటే బీట్రూట్, టమాటో, సొరకాయలతో కలిపి తయారుచేసే ఒక ఆరోగ్యకరమైన జ్యూస్. ఈ మూడు కూరగాయల మొదటి అక్షరాలను కలిపి "BTB" అనే పేరు వచ్చింది. ఇది ఇటీవల కాలంలో బరువు తగ్గడానికి, చర్మ సౌందర్యానికి, శరీరాన్ని డిటాక్స్ చేయడానికి ఒక ప్రసిద్ధ పానీయంగా మారింది.
BTB జ్యూస్ లోని పదార్థాలు
బీట్రూట్.. నైట్రేట్లు: రక్తపోటును తగ్గించడంలో సహాయపడతాయి.. గుండె ఆరోగ్యానికి మంచివి. యాంటీ ఆక్సిడెంట్లు (బేటలైన్స్): కణాలను ఫ్రీ రాడికల్స్ నుండి రక్షించి, క్యాన్సర్ ప్రమాదాన్ని తగ్గిస్తాయి. ఇనుము, ఫోలేట్: రక్తహీనతను నివారిస్తాయి, హిమోగ్లోబిన్ స్థాయిలను పెంచుతాయి. సహజమైన శక్తిని అందిస్తుంది.
టమాటో.. లైకోపీన్: ఒక శక్తివంతమైన యాంటీ ఆక్సిడెంట్. ఇది చర్మాన్ని సూర్యరశ్మి నుండి రక్షించి గుండె ఆరోగ్యాన్ని కాపాడుతుంది. విటమిన్ సి ఉంటుంది. ఇది రోగనిరోధక శక్తిని పెంచుతుంది, చర్మ ఆరోగ్యానికి మంచిది. ఇందులో ఉండే పొటాషియం రక్తపోటు నియంత్రణకు సహాయపడుతుంది.
సొరకాయ.. నీటి శాతం అధికం. శరీరానికి హైడ్రేషన్ అందిస్తుంది. ఫైబర్: జీర్ణక్రియను మెరుగుపరుస్తుంది, మలబద్ధకాన్ని నివారిస్తుంది. కడుపు నిండిన భావనను కలిగించి బరువు తగ్గడంలో సహాయపడుతుంది. కేలరీలు తక్కువ: బరువు తగ్గించే ఆహారంలో ఇది ఒక మంచి ఎంపిక. విటమిన్ సి, జింక్: చర్మ ఆరోగ్యానికి, రోగనిరోధక శక్తికి మంచిది.
BTB జ్యూస్ యొక్క ప్రయోజనాలు
బరువు తగ్గడం: తక్కువ కేలరీలు, అధిక ఫైబర్ ఉండటం వల్ల ఆకలిని నియంత్రిస్తుంది. జీర్ణక్రియ మెరుగుదల: ఫైబర్ మరియు నీటి శాతం వల్ల మలబద్ధకం తగ్గి, జీర్ణవ్యవస్థ ఆరోగ్యంగా ఉంటుంది. చర్మ ఆరోగ్యం: యాంటీఆక్సిడెంట్లు, విటమిన్లు చర్మానికి మెరుపునిచ్చి, మచ్చలను తగ్గిస్తాయి. శరీరాన్ని శుభ్రపరచడం: కాలేయం పనితీరుకు మద్దతు ఇస్తుంది.. విష పదార్థాలను తొలగించడంలో సహాయపడుతుంది. బీట్రూట్లోని నైట్రేట్లు రక్తపోటును తగ్గిస్తాయి. విటమిన్, యాంటీఆక్సిడెంట్లు రోగనిరోధక వ్యవస్థను బలోపేతం చేస్తాయి. తయారు చేసుకొనేటప్పుడు చిన్న అల్లం ముక్క, నిమ్మరసం, చిటికెడు నల్ల ఉప్పుడు కలుపుకొని తాగితే చాలా మంచిది.
Click it and Unblock the Notifications
Sign in with Google