చుండ్రు వచ్చి జుట్టు రాలుతోందా?
తలలో చుండ్రు వచ్చిందంటే అందరికీ ఎంతో బాధగా ఉంటుంది. ఎందుకంటే అందమైన కేశాలు ఒక్కొక్కటిగా ఊడిపోతుంటాయి. మన తలపై కిరీటంలాంటి జుట్టు రాలిపోతుంటే ప్రతి ఒక్కరికీ బాధే. అయితే చుండ్రు రావడానికి, జుట్టు ఊడిపోవడానికి కారణాలు తెలుసుకొని వాటిని నివారణ ఎలాగో తెలుసుకుందాం.
చుండ్రు వస్తే దురద, చికాకు కలుగుతుంది. తరుచుగా జుట్టు రాలుతుంటుంది. (డ్రై స్కాల్ప్) చుండ్రు రావడానికి ప్రధాన కారణం చర్మం పొడిబారడం. స్కాల్ప్ హైడ్రేటెడ్ కానప్పుడు ఫ్లేక్స్, దురద కలుగుతుంది. దీన్నుంచి జుట్టు రాలుతుంది. (ఫంగల్ ఇన్ఫెక్షన్లు) మలాసెజియా వంటి ఫంగల్ ఇన్ఫెక్షన్లు కూడా మరో కారణం. అంటువ్యాధులు చర్మం సమతుల్యతను దెబ్బతీస్తాయి. దీనివల్ల మంట ఎక్కువగా ఉండటంతోపాటు జుట్టు ఊడిపోతుంది. (సెబోర్హీక్ డెర్మటైటిస్) ఇది ఒక సాధారణ చర్మ పరిస్థితి. దురద, ఎరుపు, పొరలు కలిగిస్తుంది. చికిత్స చేయకుండా వదిలేస్తే చుండ్రు తీవ్రంగా రావడంతోపాటు వెంట్రుకలు ఊడిపోవడానికి దారితీస్తుంది.
(పేలవమైన ఆహారం) విటమిన్లు, ఖనిజాలు వంటి అవసరమైన పోషకాలు లేని ఆహారం తీసుకున్నా చుండ్రు, జుట్టు రాలడానికి కారణమవుతుంది. పోషకాహార లోపం హెయిర్ ఫోలికల్స్ ను బలహీనపరుస్తాయి.. అలాగే మానసికంగా ఎక్కువ ఒత్తిడి ఎదురైనా చుండ్రు వస్తుంది. జుట్టు పెరుగుదలను దెబ్బతీస్తుంది. దీనివల్ల జుట్టు కుదుళ్లు చిట్లుతాయి.
చుండ్రు, జుట్టు రాలడాన్ని సమర్థవంతంగా తగ్గించాలంటే అంతర్లీన కారణాలను పరిష్కరించడం అవసరం. ఔషధ షాంపూలను ఉపయోగించాలి. తలపై ఎప్పుడూ పరిశుభ్రంగా ఉండేలా చూసుకోవాలి. పోషకాలు ఎక్కువగా ఉండే ఆహారం తీసుకోవాలి. జీవనశైలిలో మార్పులద్వారా ఒత్తిడి స్థాయిలను తగ్గించడం కూడా చర్మం పరిస్థితిని మెరుగుపరుస్తుంది.
Click it and Unblock the Notifications
Sign in with Google