స్ట్రీట్ ఫుడ్ స్టైల్ లో సూపర్ టేస్టీ ఎగ్ భుర్జీ.. ఈజీగా ఇలా చేసుకోండి..!

కోడిగుడ్డు ఆరోగ్యానికి ఎంతో మంచిదని నిపుణులు చెబుతుంటారు. రోజుకో గుడ్డు తినాలని సూచిస్తుంటారు. గుడ్డులో ఎన్నో పోషక విలువలు ఉన్నాయి. గుడ్డును సంపూర్ణ ఆహారంగా చెబుతుంటారు వైద్యులు. అయితే గుడ్డుతో ఏ రకం వంట చేసుకున్నా టేస్టీగానే ఉంటుంది. ఇప్పటికే గుడ్డుతో అనేక రకాల వంటలు చేసుంటారు. ఎగ్ భుర్జీ కూడా ట్రై చేసి ఉంటారు. అయితే ఇండియన్ స్ట్రీట్ ఫుడ్ స్టైల్ లో సూపర్ టేస్టీ ఎగ్ భుర్జీని ఎప్పుడూ ట్రై చేసి ఉండరు. మరి ఈ టేస్టీ ఎగ్ భుర్జీని ఎలా తయారు చేసుకోవాలి..? కావాల్సిన పదార్థాలు ఏంటి..?

సూపర్ టేస్టీ ఎగ్ భుర్జీ తయారీకి కావాల్సిన పదార్థాలు చూస్తే ముందుగా గుడ్లు నాలుగు, ఉల్లిపాయలు రెండు సన్నగా తరిగినవి, టమాటో రెండు సన్నగా తరిగినవి, పచ్చిమిర్చి మూడు, అల్లం వెల్లుల్లి పేస్టు ఒక టేబుల్ స్పూన్, కారం ఒక టేబుల్ స్పూన్, పసుపు పావు టీ స్పూన్, ఉప్పు రుచికి సరిపడా, నూనె రెండు టేబుల్ స్పూన్ లు, కొత్తిమీర తురుము కొద్దిగా తీసుకోవాలి.

ఇక ఎగ్ భుర్జీ తయారీ విధానం చూస్తే.. ముందుగా పాన్ పెట్టి నూనె పోసి వేడి చేసుకోవాలి. అందులో ఉల్లిపాయలు, పచ్చిమిర్చి వేసి గోల్డెన్ కలర్ వచ్చేంత వరకూ వేయించుకోవాలి. ఇప్పుడు అందులో అల్లం వెల్లుల్లి పేస్టు వేయాలి. మంచి వాసన వచ్చేంత వరకూ కలుపుకోవాలి. అందులోనే టమాటాలు, పసుపు, కారం, ఉప్పు, మసాలా వేసి బాగా ఉడికించుకోవాలి. ఇప్పుడు గుడ్లను పగలగొట్టి పాన్ లో వేసి బాగా కలపాలి. గుడ్లు పూర్తిగా కుకింగ్ అయ్యేంత వరకూ మిక్సింగ్ చేసుకోవాలి. చివరగా కొత్తిమీర తురుము వేసి సర్వ్ చేసుకోవడమే.. అంతే సూపర్ టేస్టీ ఎగ్ భుర్జీ రెడీ అయినట్టే..