వేసవిలో చెమటకాయలు ఎక్కువైతే ఇలా చేయండి
ఎండాకాలంలో చెమట పట్టిన తర్వాత చర్మంపై మొటిమల రూపంలో ఉండిపోతాయి. తేమతో కూడిన వాతావరణంలో నివసించేవారు ఈ సమస్యతో ఎక్కువగా ఇబ్బంది పడుతుంటారు. కొన్ని రోజుల తర్వాత ప్రిక్లీ హీట్ దానంతటదే అదృశ్యమవుతుంది. కానీ కొన్నిసార్లు చర్మంపై పెరుగుతుంది. దురద, మంట ఉంటుంది. మార్కెట్లో దొరికే ప్రీ-హీటెడ్ పౌడర్ను వాడటంవల్ల చర్మ రంధ్రాలు మరింతగా మూసుకుపోతాయి. చర్మంపై ఐస్ రుద్దడం లేదంటే చర్మాన్ని వీలైనంత చల్లగా, పొడిగా ఉంచితే చెమట తగ్గుతుంది.
* పచ్చి మామిడి - పచ్చి మామిడికాయనుని గ్యాస్పై కాల్చిన తర్వాత గుజ్జును తీసి ఫ్రిజ్లో పెట్టాలి. అది చల్లారిన తర్వాత గుజ్జును శరీరానికి పట్టించాలి.
* కీరదోసకాయ - సన్నగా తరిగిన కీరదోసకాయ ముక్కలను ఒక గ్లాసు నీటిలో వేయాలి. ఇందులో నిమ్మరసం కూడా కలపాలి. ఈ ముక్కలను చెమట పట్టినచోట మెత్తగా రుద్దాలి.
* కొబ్బరి నూనె - కొబ్బరి నూనెలో కొద్దిగా కర్పూరం కలిపి.. ఆ నూనెతో శరీరమంతా మసాజ్ చేయాలి. వేడి నుంచి, చెమట నుంచి వెంటనే ఉపశమనం కలుగుతుంది.
* వేప ఆకులు - వేప ఆకులను లీటరు నీటిలో వేసి బాగా మరిగించాలి. ఈ నీటిని ప్రతిరోజు స్నానం చేసే నీటిలో కలుపుకొని తలస్నానం చేయాలి. దీనివల్ల చెమట కాయలు వెంటనే తగ్గిపోతాయి.
* తులసి - తులసి ఆకులను గ్రైండ్ చేసి పేస్ట్ లా చేయాలి. దాన్ని చెమట పట్టిన ప్రదేశంలో రాయడంవల్ల ఉపశమనం కలుగుతుంది.
* చెమట పట్టినచోట అలోవీరా జెల్ రాస్తే తెల్లవారేసరికి చెమటకాయలు తగ్గుముఖం పడతాయి.
* రెండు స్పూన్ల బేకింగ్ సోడాను కప్పు నీళ్లల్లో వేసి మిక్స్ చేసి చెమటకాయలు ఉన్న ప్రాంతంలో రుద్దాలి. తర్వాత శుభ్రం చేసుకోవాలి. దీనిద్వారా వెంటనే చెమటకాయల బాధ నుంచి రిలీఫ్ వస్తుంది.
Click it and Unblock the Notifications
Sign in with Google