శీతాకాలంలో పెరిగే స్ట్రోక్ ప్రమాదం, కారణాలు.. ఎలా నివారించాలి..!?
చలి క్రమేణా పెరుగుతోంది. రానున్న రోజుల్లో మరింతగా చలి పెరుగుతుందని వాతావరణ శాఖ స్పష్టం చేసింది. పెరుగుతున్న చలి ఆరోగ్యాన్ని ప్రభావితం చేస్తుంది. చలికాలంలో అనేక ఆరోగ్య సమస్యలు బయట పడతాయి. ఉష్ణోగ్రత పెరిగినప్పుడు పోలిస్తే ఉష్ణోగ్రత తగ్గినప్పుడు, శీతాకాలం లో స్ట్రోక్ ప్రమాదం పెరుగుతుందని ఆరోగ్య నిపుణులు హెచ్చరిస్తున్నారు. చలికాలంలో దీని ప్రభావం ఐదు నుంచి పది శాతం పెరుగుతుందని చెబుతున్నారు. అయితే, చలికాలంలో స్ట్రోక్ ప్రమాదం ఎందుకు వస్తుంది? ఈ ప్రమాదాన్ని ఎలా నివారించాలో నిపుణులు కొన్ని సూచనలు చేస్తున్నారు.
వాతావరణ మార్పు బ్రెయిన్ స్ట్రోక్ పై ప్రభావం చూపుతుందని వైద్యులు చెబుతున్నారు. చలి వాతావరణం గుండె, ప్రసరణ వ్యవస్థలను ప్రభావితం చేస్తుంది. చలికి శరీరం ప్రతిస్పందించి రక్తనాళాలను సంకోచింపజేస్తుంది, దీనివల్ల రక్తపోటు పెరుగుతుంది. అంతేకాకుండా, కాలానుగు ణ మార్పులు మెదడు ఆరోగ్యాన్ని కూడా ప్రభావితం చేస్తాయి. దీంతో శీతాకాలంలో ఆరోగ్యాన్ని కాపాడుకోవడానికి మనం అదనపు జాగ్రత్తలు తీసుకోవాలి. చలికాలంలో రక్తం కొద్దిగా మందంగా మారుతుంది, ఇది గడ్డకట్టడానికి దారితీస్తుందని నిపుణులు అంటున్నారు. ఈ విధంగా రక్తం గడ్డకట్టినప్పుడు, మెదడుకు రక్త ప్రవాహం తగ్గడమే కాకుండా, ఇస్కీమిక్ స్ట్రోక్కు కూడా దారితీసే అవకాశం ఉందని మెచ్చరిస్తున్నారు. శీతాకాలంలో శారీరక శ్రమ లేకపోవడం వల్ల బరువు పెరగడంతో పాటు అధిక కొలెస్ట్రాల్, రక్తపోటు కూడా పెరుగుతుంది. ఈ కారకాలన్నీ స్ట్రోక్ ప్రమాదాన్ని పెంచుతాయని ఆరోగ్య నిపుణులు అంటున్నారు.
దీంతో ప్రతీ రోజూ 30 నిమిషాలు నడవడం లేదా ఇతర కార్యకలాపాలు చేయడం వల్ల స్ట్రోక్ ప్రమాదాన్ని 25% వరకు తగ్గించవచ్చు. శీతాకాలంలో సరిగ్గా నీరు తాగకపోతే డీహైట్రేషన్ సమస్య వస్తుంది. శీతాకాలంలో కఠినమైన పనులు చేయకూడదు. ఇది హృదయ స్పందన రేటు, రక్తపోటు ను పెంచుతుంది. శీతాకాలంలో ఇన్ఫెక్షన్ వల్ల కలిగే వాపు రక్త నాళాలను దెబ్బతీస్తుంది. అధిక రక్తపోటు, గుండె జబ్బులను మరింత తీవ్రం చేస్తుంది, ఇది స్ట్రోక్ ప్రమాదాన్ని పెంచుతుందని విశ్లేషిస్తున్నారు. రక్తనాళాలు సంకోచించకుండా ఉండటానికి వీలైనంత వెచ్చగా ఉంటూ... మంద పాటి దుస్తులు ధరించాలి. ఇండోర్ వ్యాయామాలు చేయటం... అధిక ఒత్తిడిని నివారించటానికి ప్రాధాన్యత ఇవ్వాలి. దాహం వేయకపోయినా, పుష్కలంగా నీరు తాగటం మర్చిపోవద్దు. రక్తపోటు, కొలెస్ట్రాల్, మధుమేహాన్ని అదుపులో ఉంచుకోవటం చాలా అవసరం. ఇక.. మద్యం సేవించడం, ధూమపానం చేయడం మానుకోవాలని నిపుణులు సూచిస్తున్నారు.
Click it and Unblock the Notifications
Sign in with Google