సమ్మర్ డ్రింక్.. పుచ్చకాయ జ్యూస్.. ఇదొక్కటి యాడ్ చేసుకుంటే..

పుచ్చకాయలో ఎన్నో ఆరోగ్య ప్రయోజనాలు ఉన్నాయి. పుచ్చకాయలో దాదాపు 92 శాతం నీరు ఉంటుంది. అందువల్ల సమ్మర్ లో మన శరీరం డీహైడ్రేషన్ కాకుండా ఉండటానికి ఇది అద్భుతమైన ఆహారం అని చెప్పొచ్చు. అలాగే పుచ్చకాయ శరీర ఉష్ణోగ్రతను నియంత్రించడంలో సాయపడుతుంది. ఇక పుచ్చకాయను డెయిలీ తీసుకోవడం వల్ల గుండె ఆరోగ్యానికి మేలు చేస్తుంది. ఇందులో ఉండే లైకోపీన్ అనే యాంటీ ఆక్సిడెంట్ కొలెస్ట్రాల్‌ ను తగ్గించడానికి.. రక్తపోటును అదుపులో ఉంచడానికి దోహదం చేస్తుంది. తద్వారా గుండె జబ్బుల ముప్పును చాలా వరకు తగ్గిస్తుంది.

అయితే పుచ్చకాయను చాలా మంది కట్ చేసుకుని డైరెక్ట్ గా తింటారు. ఇంకొంతమంది మెత్తగా జ్యూస్ చేసుకుని తాగుతారు. అయితే సమ్మర్ లో సూపర్ టేస్టీ పుచ్చకాయ జ్యూస్ తయారీకి కావాల్సిన పదార్థాలు.. ? పుచ్చకాయ జ్యూస్ తయారీ విధానం చూస్తే..? పుచ్చకాయ జ్యూస్ తయారీకి కావాల్సిన పదార్థాలు చూస్తే.. పుచ్చకాయ ముక్కలు 3 పెద్ద కప్పులు, కొబ్బరి నీళ్లు 300ఎంఎల్, పంచదార 2 టీస్పూన్ లు, ఐస్ క్యూబ్స్ అర కప్పు తీసుకోవాలి.

పుచ్చకాయ జ్యూస్ తయారీ విధానం చూస్తే.. తాజా పుచ్చకాయను తీసుకొని కడిగి, ముక్కలుగా కట్ చేసుకోవాలి. తర్వాత వాటి తొక్కలను తీసేసి గింజలను కూడా తీసేయాలి. ఆ తర్వాత చిన్నచిన్న ముక్కలుగా 3 కప్పుల పరిమాణంలో తీసుకొని పక్కన పెట్టుకోవాలి. ఇప్పుడు మిక్సీ గిన్నె తీసుకుని కట్ చేసి పెట్టుకున్న పుచ్చ ముక్కలను వేయాలి. ఇప్పుడు అందులో కొబ్బరి నీళ్లు, చక్కెర, ఐస్ ముక్కలు వేసి యాడ్ చేసుకోవాలి. అలా బాగా మిక్సీ పట్టుకోవాలి. అంతే సూపర్ టేస్టీ పుచ్చకాయ జ్యూస్ రెడీ అయినట్టే.. అయితే ఇందులో కొబ్బరి నీళ్లు వేసుకుంటే ఆ టేస్టే వేరు..