కృష్ణాష్టమి ఈరోజు జరుపుకోండి

పండగలను తిథుల ఆధారంగా నిర్ణయిస్తారు. సూర్యుడు ఉదయించే రోజు తిథి ఏది ఉంటే దాన్నే పరిగణనలోకి తీసుకుంటారు. తిథులు మిగులు, తగులు ఉండటంతో ఈ ఏడాది కృష్ణాష్టమి ఎప్పుడు జరుపుకోవాలనే గందరగోళం నెలకొంది.

అష్టమి ఘడియలు: సెప్టెంబరు 6 సప్తమి బుధవారం రాత్రి 7.58 గంటల వరకు ఉంది. అనంతరం అష్టమి ఘడియలు మొదలవుతాయి.సెప్టెంబరు 7 అష్టమి గురువారం రాత్రి 7. 47 గంటల వరకు ఉంది. కన్నయ్య జన్మనక్షత్రం రోహిణి సెప్టెంబరు 6 బుధవారం మధ్యాహ్నం 2.42 గంటల వరకు కృత్తిక నక్షత్రం ఉంది. తర్వాత రోహిణి నక్షత్రం సెప్టెంబరు 7 గురువారం మధ్యాహ్నం 3.00 గంటల వరకు ఉంది.

కృష్ణాష్టమి ఎప్పుడు: పంచాంగకర్తలు కృష్ణాష్టమిని ఆరోతేదీనే జరుపుకోవాలని సూచిస్తున్నారు. శ్రీకృష్ణుడు శ్రావణ మాసం బహుళాష్టమి అర్థరాత్రి సమయంలో జన్మించాడు. వసుదేవుడిద్వారా గోకులం చేరుకుంది తర్వాతరోజు ఉదయం. అందుకే కన్నయ్య జన్మించిన సమయానికి అష్టమి తిథి ఉండటం ప్రధానమంటారు. వైష్ణవులు మాత్రం సెప్టెంబరు 7నే కృష్ణాష్టమి జరుపుకుంటారు. వారికి రోహిణి నక్షత్రంలో కూడిన అష్టమి ప్రధానం. మిగిలినవారికి కృష్ణాష్టమి సెప్టెంబరు 6 బుధవారమే.

కన్నయ్య చిన్నప్పుడు గోకులంలో పెరగడం వల్ల గోకులాష్టమి అని అంటారు. కృష్ణాష్టమి రోజున ఒకపూట భోజనం చేసి శ్రీకృష్ణునికి పూజ చేసి కృష్ణుడి ఆలయాలు దర్శించుకునే వారికి కోటి జన్మల పుణ్య ఫలం లభిస్తుందని పురాణాలు తెలియజేస్తున్నాయి. ఆలయాల్లో అష్టోత్తర పూజ, సహస్ర నామ పూజ చేయించుకునే వారికి వంశాభివృద్ధి, అష్టైశ్వర్యాలు చేకూరతాయి. ఈ రోజున కృష్ణుడిని పూజిస్తే సకల పాపాలు నశిస్తాయని, ధర్మార్థ కామ మోక్ష ప్రాప్తి కలుగుతుందని స్కంధ పురాణం తెలియజేస్తోంది.

English summary

Festivals are decided on the basis of Tithis.