సూర్య మహాదశ 6 ఏళ్లు.. వీరికి అద్భుతంగా ఉండబోతోంది
ప్రతి గ్రహం రాశిలోకి వస్తున్నట్లుగానే సూర్యుడు కూడా ప్రతి నెలా వివిధ రాశుల్లో సంచారం చేస్తాడు. జాతక కుండలిలో సూర్యుడి మహాదశ వేర్వేరుగా ఉంటుంది. సూర్యుడు ప్రస్తుతం వృషభరాశిలో ఉండటంవల్ల ఆ ప్రభావం అన్ని రాశులపై ఉంటుంది. కొన్ని రాశులకు సానుకూలంగా, మరికొన్ని రాశులకు ప్రతికూలంగా ఉంటుంది. ఈ క్రమంలో సూర్యుడి మహాదశ ఎలా ఉంటుందో తెలుసుకుందాం.
సూర్యుడి మహాదశ, అంతర్దశ అని రెండు ఉంటాయి. మహాదశ కొందరికి అద్భుతంగా ఉంటే మరికొందరికి ప్రతికూలంగా ఉంటుంది. ఎవరికైతే శుభంగా ఉంటుందో వారికి కనకవర్షం కురుస్తుంది. అష్ట ఐశ్వర్యాలు సిద్దించడంతోపాటు ఎటువంటి సమస్యలు వారిని తాకలేవు. సూర్య మహాదశ 6 సంవత్సరాలు ఉంటుంది. ప్రతి రంగంలో ఉన్నత స్థానానికి చేరుకోవడంతోపాటు సంపద కలుగుతుంది. ఈ సూర్య మహాదశ ప్రయోజనాలు పొందేందుకు జ్యోతిష్య శాస్త్రం ప్రకారం కొన్నింటిని పాటించాల్సి ఉంటుంది. అవేంటనేది ఇప్పుడు తెలుసుకుందాం.
సూర్యుడి మహాదశ ప్రతికూలంగా ఉంటే ప్రతి ఆదివారం రాగులు, గోధుమలు దానంగా ఇవ్వాలి. దీంతో పాటు సూర్యుడికి రాగి పాత్ర ద్వారా అక్షింతలు, జలంతో అభిషేకం చేయాలి. ఇలా చేయడంవల్ల మహాదశ ప్రయోజనాలు 6 సంవత్సరాలపాటు నిరంతరాయంగా ప్రసరిస్తాయి. ఆదిత్య హృదయాన్ని ఒక నిర్ణీత పద్ధతిలో పఠించాల్సి ఉంటుంది. ఓం హ్రాం, హ్రీం, హ్రోం, సహ, సూర్యాయ నమహ మంత్రాన్ని జపిస్తుండటంతోపాటు ప్రతి ఆదివారం రావి చెట్టులో నీళ్లు పోయాలి. ఆవాల నూనెతో రావిచెట్టు మొదలన దీపం వెలిగించాలి.
జ్యోతిష్య శాస్త్రం ప్రకారం కుండలిలో సూర్యుడు బలమైన స్థితిలో ఉంటే ఆ రాశివారికి సూర్యుడి మహాదశ బాగా కలిసి వస్తుంది. 6 సంవత్సరాల వరకు ప్రతిరంగంలో తమదైన ముద్రను వేస్తారు. ఆర్థికంగా ఎటువంటి సమస్యలు వేధించవు. కెరీర్ లో మంచి స్థితికి వెళ్లడంతోపాటు ఆరోగ్యం కూడా మెరుగ్గా ఉంటుంది. వీరికి అన్నివిధాలుగా సూర్య మహాదశ లాభమే. సూర్యుడు బలహీనంగా ఉంటే నడిచే 6 సంవత్సరాలు జాతకులకు నష్టం కలగనుంది. ఆర్థిక సమస్యలతోపాటు ఆరోగ్యం కూడా దెబ్బతింటుంది. బంధువులతో గొడవలు జరుగుతాయి. ఆ సమయంలో పలు సమస్యలను తీవ్రంగా ఎదుర్కోవాల్సి ఉంటుంది.
Click it and Unblock the Notifications
Sign in with Google