ఇల్లు పూర్తిగా కట్టకుండానే గృహప్రవేశం చేయవచ్చా? వాస్తు ఏం చెబుతోంది?
ఇంటి నిర్మాణం పూర్తవకుండానే కేవలం సిమెంట్, ఇటుకల మధ్యలోకి వెళ్లడం మాత్రమే కాదు... అది వాస్తు పరంగా, మానసిక పరంగా అనేక సమస్యలకు ఆహ్వానం పలకడమే. అసంపూర్ణ గృహ ప్రవేశం వల్ల కలిగే పరిణామాలపై వాస్తు నిపుణులు చెబుతున్న విషయాలను తెలుసుకుందాం. మనం ఇల్లు పూర్తికాకముందే, ఏదో ఒక తొందరలో లేదా ముహూర్తాల బలవంతం మీద సగం పనులతోనే గృహ ప్రవేశం చేసేస్తుంటాం. కానీ, శాస్త్రం ప్రకారం ఇది అత్యంత ప్రమాదకరమైన నిర్ణయం. అలా చేస్తే సిరి సంపదలు నిలవవు అని వాస్తు పండితులు హెచ్చరిస్తున్నారు. తొందరపడి సగం పూర్తయిన ఇంట్లోకి వెళ్లకండి. కనీసం కిచెన్, పూజ గది, ప్రధాన ద్వారం పూర్తిగా పూర్తయి, ఇంటికి రక్షణ ఉన్నప్పుడే శాస్త్రోక్తంగా గృహ ప్రవేశం చేయడం అన్నివిధాలుగా మంచిది.
ప్రతికూల శక్తులకు నిలయం
వాస్తు శాస్త్రం ప్రకారం, ఒక నిర్మాణం పూర్తయి, దానికి రంగులు వేసి,
తలుపులు, కిటికీలు అమర్చినప్పుడే ఆ ఇంట్లోకి సానుకూల శక్తి ప్రవేశిస్తుంది.
నిర్మాణం అసంపూర్ణంగా ఉంటే, ఆ ఖాళీ ప్రదేశాలు ప్రతికూల శక్తులకు ఆవాసంగా మారుతాయి.
ఇది ఇంట్లో ఉండే వారిపై తెలియని ఒత్తిడిని, భయాన్ని కలిగిస్తుంది.
అపశకునంగా గృహ ప్రవేశం ఉంటుంది
గృహ ప్రవేశం అనేది ఒక పవిత్రమైన సంస్కారం.
ఇంటి పైకప్పు వేయకుండా, తలుపులు పెట్టకుండా కొత్త ఇంట్లోకి వెళ్లడం వాస్తు రీత్యా 'శుభం' కాదు.
ఇలాంటి ఇంట్లోకి వెళ్లడం వల్ల చేసే ప్రతి పనిలో ఆటంకాలు ఎదురవుతాయి.
పనులు మొదలవ్వడమే తప్ప, ఒక్క పని కూడా పూర్తికాదు.
ఆర్థిక సంక్షోభంతోపాటు నిలకడ లేని ఆదాయం
సగం పూర్తయిన ఇంట్లోకి వెళ్లడం వల్ల ఆర్థిక సమస్యలు నీడలా వెంటాడతాయి.
గోడలు పూర్తి కాకపోతే.. అప్పులు తీరవు అన్నది ఒక నానుడి.
ఆదాయం ఉన్నట్లుగానే అనిపించినా, ఊహించని ఖర్చులు రావడం వల్ల
సంపాదనంతా చేతిలో నుంచి జారిపోతుంది.
ఆర్థికంగా ఎదగాలనే మీ ఆశలకు ఈ అసంపూర్ణ నిర్మాణం అడ్డుకట్ట వేస్తుంది.
కుటుంబంలో చిచ్చు రేగుతుంది
ఇంటి వాతావరణం అసంపూర్ణంగా ఉంటే, అది మనసుపై తీవ్ర ప్రభావం చూపిస్తుంది.
ఫలితంగా ఇంట్లోని సభ్యుల మధ్య అనవసరమైన వాదోపవాదాలు చోటుచేసుకుంటాయి.
చిన్న విషయాలకే భార్యాభర్తల మధ్య గొడవలు రావడం,
చివరకు అది విడిపోయే స్థాయికి వెళ్లడం వంటివి
అసంపూర్ణ వాస్తు దోషాల వల్లే జరుగుతాయని నిపుణులు చెబుతున్నారు.
పురోగతి లేని జీవితం
వాస్తు పురుషుడు ఆ ఇంట్లో కొలువై ఉండాలంటే నిర్మాణం పూర్తికావాలి.
సగం పనులతో ఉన్న ఇంట్లో నివసించే వారి కెరీర్ లేదా వ్యాపారం కూడా అలాగే 'సగంలో' ఆగిపోతుంది.
కొత్త అవకాశాలు రాకపోగా, ఉన్న అవకాశాలు చేజారిపోతాయి
Click it and Unblock the Notifications
Sign in with Google