vastu tips: సూర్యాస్తమయం తర్వాత ఈ వస్తువులు దానం చేస్తున్నారా? అయితే దరిద్రం మీవెంటే!!

Published: Monday, July 11, 2022, 15:30 [IST]

సనాతన హిందూ సంప్రదాయంలో దాతృత్వానికి ప్రత్యేక ప్రాముఖ్యత ఉంది. వాస్తు శాస్త్రం ప్రకారం, దానధర్మం చేయడం పుణ్యాన్ని ఇస్తుంది. అయితే దానధర్మం చేయడానికి కూడా ఒక పద్ధతి, ఒక సమయం ఉంటుందని చెప్పబడింది. ఎప్పుడు పడితే అప్పుడు దానం చేయడం మంచిది కాదని సూచించబడింది. చీకటి పడిన సమయంలో ఇచ్చే దానం శుభానికి బదులుగా అశుభం చేకూరుస్తుందని చెప్పబడింది. కొన్నిసార్లు చిక్కబడిన తర్వాత చేసే దానాలు మనుషులకు దరిద్రం తెచ్చిపెడతాయి వాస్తు శాస్త్రం చెబుతోంది.

సూర్యాస్తమయం తర్వాత ఈ వస్తువులను దానం చేస్తే లక్ష్మీదేవి కటాక్షం ఉండదు

హిందూ మతంలో కూడా, దానధర్మాలకు చాలా ప్రాముఖ్యత ఉంది. శాస్త్రాల ప్రకారం, దానం చేయడం వల్ల సంపదలు చేకూరుతాయి. అయితే వాస్తు ప్రకారం, మీరు పగటిపూట దానం చేయాలి, కానీ సూర్యాస్తమయం తర్వాత దానం చేయకూడదు. సూర్యాస్తమయం తర్వాత దానం చేస్తే అవి మన ఆర్థిక సమస్యలను మరింత పెంచి ఇబ్బందులకు గురి చేస్తాయని వాస్తు శాస్త్రం చెబుతోంది.

ఏదైనా కావాలని అడిగే వ్యక్తి మీ పొరుగువారైనా, చాలా దగ్గరి వారైనా సరే సూర్యాస్తమయం తరువాత కొన్ని వస్తువులను వారికి ఇవ్వడం మంచిది కాదని సూచించబడింది. అయినప్పటికీ, అవేవి పట్టించుకోకుండా ఆయా వస్తువులను ఇస్తే లక్ష్మీదేవి మీ ఇంటిని వదిలి దానం చేసే వ్యక్తి వద్దకు వెళుతుందని వాస్తు శాస్త్ర నిపుణులు చెబుతున్నారు. సూర్యాస్తమయం తర్వాత ఏ వస్తువులు దానం చేయకూడదో తెలుసుకుందాం

పెరుగును అస్సలు దానం చేయవద్దు

సూర్యాస్తమయం తర్వాత, మనం పెరుగును దానం చేయకూడదని లేదా ఎవరికీ ఇవ్వకూడదని వాస్తు నిపుణులు సూచిస్తున్నారు. పెరుగు నేరుగా శుక్రుడికి సంబంధించినది, ఇది సంపద, వైభవం మరియు ఆనందానికి కారకం. మరోవైపు, సాయంత్రం దానం చేస్తే, మీ ఇంట్లో అరిష్టాలు మరియు అశాంతి కలుగుతాయని చెపుతున్నారు. కాబట్టి దీన్ని అస్సలు దానం చేయకండి.

పసుపును దానం చేయవద్దు

వాస్తు శాస్త్రం ప్రకారం పసుపును సాయంత్రం పూట దానం చేయకూడదని చెబుతున్నారు. పసుపు బృహస్పతి కారకంగా పరిగణించబడుతుందని వాస్తు శాస్త్ర నిపుణులు చెబుతారు. అందుచేత సాయంత్రం పూట దానం చేయడం వల్ల మీ గురువు బలహీనపడతారు. ఇలా చేయడం వల్ల మీ ఇంట్లో డబ్బుకు తీవ్రమైన లోటు ఏర్పడుతుంది. ఇది ఏమాత్రం మంచిది కాదని సూచించబడింది.

పాలు దానం చేసే ముందు వందసార్లు ఆలోచించండి

వాస్తు శాస్త్రం ప్రకారం, మీరు పాలు దానం చేసే ఒకటికి వందసార్లు ఆలోచించాలని వాస్తు శాస్త్రం చెబుతోంది. పాలు దానం చేయడం అనేక బాధలకు కారణం అవుతుందని వాస్తు శాస్త్ర నిపుణులు చెబుతున్నారు. పాలు మరియు పెరుగును లక్ష్మి రూపాలు అని కూడా అంటారు. వాస్తు ప్రకారం, పాలు దేవత లక్ష్మీ మరియు విష్ణువు యొక్క కారకం. ఈ కారణంగా, సాయంత్రం పాలు దానం చేయరాదు. ఇలా చేయడం వల్ల అకస్మాత్తుగా భారీ ఖర్చు మీ ముందుకు రావచ్చు. దీని వల్ల మీ ఆర్థిక పరిస్థితి కూడా దిగజారవచ్చు.

డబ్బు లావాదేవీలు చేసే ముందు జాగ్రత్తగా ఉండండి

వాస్తు శాస్త్రం ప్రకారం డబ్బు లక్ష్మీ దేవి స్వరూపం. ఇలాంటి పరిస్థితుల్లో దానధర్మాలు చేయడం అంటే ఇంటికి వచ్చిన లక్ష్మీదేవిని వేరొకరి ఇంటికి పంపినట్లే. అందువల్ల, సూర్యాస్తమయం తర్వాత డబ్బు లావాదేవీకి దూరంగా ఉండాలి. సాయంత్రం సమయంలో డబ్బును దానం చేయడం వల్ల లక్ష్మీదేవి అనుగ్రహం మీపై ఉండదు. ఇక లక్ష్మీదేవి అనుగ్రహం లేకపోతే దరిద్రం తాండవిస్తుంది అన్న విషయం వేరే చెప్పనక్కర్లేదు. కాబట్టి సూర్యాస్తమయం తర్వాత డబ్బు లావాదేవీలు అస్సలు చేయకండి.

ఉల్లిపాయ-వెల్లుల్లిని ఇవ్వకండి

వాస్తు శాస్త్రం ప్రకారం, ఉల్లిపాయ-వెల్లుల్లిని సాయంత్రం వేళల్లో ఇవ్వకూడదని చెప్పబడింది. అవి కేతు గ్రహానికి సంబంధించినవి. వాస్తు నిపుణుల అభిప్రాయం ప్రకారం, కూరగాయల బుట్టలో ఉంచిన వెల్లుల్లి-ఉల్లిపాయలను సూర్యాస్తమయం తర్వాత ఇవ్వడం మంచిది కాదని వాస్తు శాస్త్ర నిపుణులు చెబుతున్నారు. ఇకపై వస్తువులు దానం చేస్తే అనేక ఇబ్బందులు ఎదుర్కోవాల్సి వస్తుందని, దరిద్రం తాండవిస్తుంది అని సూచిస్తున్నారు.

Published On July 11, 2022