వాస్తు ప్రకారం ఇంట్లో బరువైన వస్తువులు ఎక్కడ ఉండాలో తెలుసుకోండి!

వాస్తు ప్రకారం నిర్మించుకున్న ఇంట్లోనే అనేక రకాల సందేహాలు మనకు తలెత్తుతూనే ఉంటాయి. ఒక్కోసారి ఒక్కోరకంగా వస్తుంటాయి. కొంతమందికి బరువైన వస్తువులు ఎక్కడ పెట్టాలి? అనే సందేహం తొలిచేస్తుంటుంది. కొందరైతే ఎక్కడ పడితే అక్కడ పెట్టేస్తుంటారు. అప్పుడు ఒక్కో నిపుణుడు ఒక్కోరకంగా చెబుతుంటారు. తర్వాత చుట్టుపక్కల వారు వచ్చి రకరకాలుగా చెబుతుంటారు. దీంతో ఎవరిని నమ్మాలో అర్థం కాదు. ఏం చేయాలో అర్థం కాదు. అందుకే అటువంటి సమస్యలకు పరిష్కారం తెలుసుకుందాం.

బరువైన బీరువా, బియ్యం బస్తాలు వంటివి నైరుతి మూల ఉండాలి.
వాస్తు ప్రకారం ఎక్కడ పడితే అక్కడ పెట్టకూడదు.
కొన్ని జాగ్రత్తలు పాటించాలి.
వాషింగ్ మెషిన్ కూడా బరువైన వస్తువే.
దాన్ని కూడా నైరుతి దిశలోనే పెట్టాలి.
హాల్లో ఖాళీ లేకపోతే దక్షిణం, పడమర మధ్యలో పెట్టాలి.
అప్పుడు ఎటువంటి వాస్తు దోషాలు తలెత్తవు.

నైరుతి దిశలో బరువైన వస్తువులను పెట్టడంవల్ల
ఆ ఇంటి యజమానికి స్థిరత్వాన్ని కల్పిస్తుంది.
దక్షిణం వైపు గోడకు ఫర్నిచర్, షోకేస్ లాంటివి పెట్టుకోవచ్చు.

సోఫాసెట్ ను పశ్చిమం లేదంటే దక్షిణం దిశలో పెట్టాలి.
డైనింగ్ టేబుల్ ను వాయువ్యంలో పెట్టాలి.
మెట్లు దక్షిణం లేదంటే పశ్చిమంలో పెట్టాలి.
స్టోర్ రూం నైరుతి భాగంలో ఉండాలి.

ఈశాన్యం మాత్రం ఎప్పుడూ ఖాళీగా ఉండాలనే విషయాన్ని గుర్తుంచుకోవాలి.
అక్కడ బరువైన వస్తువుంటే ఆర్థికంగా, ఆరోగ్య పరంగా నష్టాలు కలుగుతాయి.
ఇంటి మధ్య భాగం కూడా ఖాళీగా ఉండాలి. అది బ్రహ్మ స్థానం.
అక్కడ గోడకు బరువైన పిల్లర్లు ఉండకూడదు. ఫర్నిచర్ కూడా ఉండకూడదు.
గోడకు ఆనించి పెట్టకుండా కనీసం 3 అంగుళాల దూరం ఉంచుకోవాలి.

English summary

Vastu: Heavy objects should be kept in the southwest corner of the house. The northeast should be empty. The dining table should be in the northwest.