weekly horoscope: రాశిఫలాలు (ఆగస్టు 20 - 26)
జ్యోతిష్య శాస్త్రం ప్రకారం రాశిఫలాలకు నక్షత్రాల గమనం ఆధారంగా నిపుణులు అంచనా వేస్తుంటారు. ఈ వారం ఏ రాశివారికి బాగుంటుంది? ఏ రాశివారికి కలిసివస్తుంది? ఇంటా, బయట ఎటువంటి మార్పులు చోటుచేసుకుంటాయి? అంతా సానుకూలమేనా? ఇబ్బందులేమైనా ఉన్నాయా? తదితరాలను రాశిచక్రాలను ఆధారంగా చేసుకొని జ్యోతిష్య పండితులు చెబుతుంటారు. ఈనెల 20వ తేదీ నుంచి 26వ తేదీ వరకు రాశిఫలాలు ఎలా ఉన్నాయో తెలుసుకుందాం.
మేషరాశి: ఒకసారి నిర్ణయం తీసుకున్న తర్వాత మంచైనా, చెడైనా దాన్ని గురించి ఆలోచించడం అనవసంర. కాలం అనుకూలంగా ఉంది. ఉద్యోగంలో చిన్న చిన్న ఆటంకాలు ఎదురైనప్పటికీ కార్యాన్ని సాధిస్తారు. వ్యాపారంపై శ్రద్ధ పెట్టాలి. ప్రయాణాలు లాభంగా మారతాయి. ఇష్టదేవతను స్మరిస్తుండాలి.
వృషభ రాశి: వ్యాపారంలో లాభాలున్నాయి. పరిస్థితులకు అనుగుణంగా నిర్ణయాలు తీసుకోవాల్సి ఉంటుంది. సూర్యదోషం కనపడుతోంది. మొహమాటంవల్ల శ్రమ ఎక్కువవుతుంది. సమయస్ఫూర్తితో మంచి ఫలితాలు సాధిస్తారు. ఏ నిర్ణయం తీసుకునే ముందైనా కుటుంబ సభ్యులతో చర్చించి తీసుకోవాలి. సూర్యుడిని ఆరాధించడం మేలు చేస్తుంది.
మిథునరాశి: ఉద్యోగంలో మంచి ఫలితాలను సాధిస్తారు. కాలాన్ని సద్వినియోగం చేసుకోవాలి. మీరు తీసుకునే నిర్ణయాలు నలుగురికి ఆదర్శంగా నిలుస్తాయి. పొరపాట్లు జరక్కుండా చూసుకోవాలి. ధర్మాన్ని వీడొద్దు. స్నేహితులు అండగా నిలబడతారు. విష్ణు సహస్రనామ స్మరణ శుభాన్ని కలిగిస్తుంది.
కర్కాటకరాశి: కొత్త ప్రయత్నాలు విజయవంతమవుతాయి. వ్యాపారంలో వృద్ధి ఉంటుంది. ధనలాభం ఉంది. అవకాశాన్ని సద్వినియోగం చేసుకోవాలి. శత్రుదోషం తొలగిపోతుంది. ఉద్యోగంలో మేలు జరుగుతుంది. ఇష్టదేవతను స్మరించడంవల్ల శుభవార్తను వింటారు.
సింహరాశి: ప్రతి అడుగు ఆచితూచి వేస్తుండాలి. ఏ నిర్ణయం తీసుకునే ముందైనా ఒకటికి రెండుసార్లు ఆలోచించి తీసుకోవాలి. గ్రహదోషం వల్ల విఘ్నాలు ఉన్నాయి. వ్యాపారంలో జాగ్రత్తగా ఉండాలి. పనులు వాయిదా వేయవద్దు. నవగ్రహ దేవతను స్మరించడంవల్ల ఆత్మవిశ్వాసం పెరుగుతుంది.
కన్యరాశి: ముఖ్యమైన పనులప్పుడు అప్రమత్తంగా ఉండాలి. మనోబలంతోనే ఆటంకాలను అధిగమించాల్సి ఉంటుంది. ఒకటికి రెండు సార్లు ఆలోచించిన తర్వాతే ఏ నిర్ణయమైన తీసుకోవాలి. మీరు ధర్మంగా ఉంటే ఆ ధర్మమే మిమ్మల్ని కాపాడుతుంది. శుక్రుడి వల్ల ఏకాదశంలో ధనయోగం ఉంది. ఇష్టదేవతను స్మరించడంవల్ల అంతా మంచి జరుగుతుంది.
Click it and Unblock the Notifications
Sign in with Google