శరీరంపై బల్లి పడితే ఏమవుతుందో తెలుసా?
శరీరంలోని కొన్ని భాగాలపై బల్లి పడటంవల్ల అంతా శుభప్రదం అని భావిస్తారు. ఇంట్లో లేదంటే కార్యాలయాల్లో బల్లిని(Lizard) చూస్తే వెంటనే దానిని ఇంట్లో నుంచి వెళ్లగొట్టడం మొదలుపెడతారు. కానీ బల్లి పడటం అనేది జీవితకాలం పెరుగుదల, సంపద, వస్త్రాలు, విజయం తదితరాలను సూచిస్తుంది. వీటికి సంబంధించిన సంకేతాలు శకునశాస్త్రంలో వివరించారు.
పురుషుల శరీరంలో కుడివైపున, స్త్రీల శరీరంలో ఎడమవైపున బల్లి పడితే చాలా మంచిదని జ్యోతిష్య శాస్త్ర పండితులు తెలియజేస్తున్నారు. శరీరంలోని ఏ భాగాలపై బల్లి పడితే ఎలాంటి శుభ సంకేతాలు ఉంటాయనేది ఇప్పుడు తెలుసుకుందాం. తలపై బల్లి పడితే అది శుభప్రదం. ప్రభుత్వం నుండి ప్రయోజనం పొందుతారు.
స్థానం, కీర్తి పెరుగుతుంది. కుడి చెవిపై బల్లి పడితే ఆయుష్షును పెంచుతుంది. ఆ వ్యక్తి చిరకాలం జీవిస్తారు.
ఎడమ చెవిపై బల్లి పడటం ఎంతో శుభప్రదం. సంపదను పొందటానికి మంచి సంకేతంగా భావిస్తారు.
నిద్ర పోయే సమయంలో రెండు కళ్లపై బల్లి పడితే ఎక్కడి నుంచో డబ్బు రావచ్చనే సంకేతంగా భావిస్తారు.
భుజం మీద బల్లి పడితే ఆందోళన అనవసరం. పనిలో విజయం సాధిస్తారు. శత్రువులపై విజయానికి సంకేతం అవుతుంది. గుండెపై బల్లి పడితే అకస్మాత్తుగా డబ్బు సంపాదన ఉంటుందని అర్థం. నిలిచిపోయిన డబ్బును తిరిగి పొందుతారు. కుడిచేతిపై బల్లి పడితే మీరు రాజులా సుఖాన్ని పొందుతారు. సుఖాలు పెరుగుతాయనేదానికి ఇది సంకేతం.
ముఖం మీద బల్లి పడితే తీపి లేదంటే తీపి ఆహారాన్ని పొందుతారు. నడుము మీద బల్లి పడితే ఏనుగు లేదంటే గుర్రంపై స్వారీ చేస్తారు. తొడపై బల్లి పడితే శుభప్రదం. ముక్కు రంధ్రాలపై బల్లి పడితే సంపద పొందుతారు. చేతిలో బల్లి పడితే దుస్తుల్లో లాభం ఉంటుంది.
Click it and Unblock the Notifications
Sign in with Google