ఉత్తరభారతంలో భూకంపం

న్యూఢిల్లీః గురువారం మధ్యాహ్నం పెను భూకంపం ఉత్తర భారతాన్ని కుదిపివేసింది. రెక్టర్‌ స్కేలుపై ఈ భూకంపం తీవ్రత 5.8గా నమోదైంది. ఆఫ్ఘన్‌ రాజధాని కాబూల్‌ కు ఈశాన్య భాగంలో 150 కిలోమీటర్ల దూరంలో కేంద్రీకృతమైన ఈ భూకంపం తీవ్రతకు ఢిల్లీ, జమ్మూ, పంజాబ్‌, హర్యానాల్లో ప్రకంపనాలు సంభవించాయి. గురువారం మధ్యాహ్నం 12.35 గంటలకు సంభవించిన ఈ భూకంపం 46 సెకండ్ల పాటు కొనసాగింది.

భూకంపం కారణంగా ఇస్లామాబాద్‌, పెషావర్‌, కాబూల్‌, మజారే షరీఫ్‌ లలో భూ ప్రకంపనలు సంభవించాయి. భూకంపం కారణంగా ఏ విధమైన నష్టం సంభవించినట్లు సమాచారం అందలేదు. భూమి లోపల 130 కిలోమీటర్ల దూరంలో భూకంపం కేంద్రీకృతమైనట్లు వాతావరణ శాఖ అధికారులు చెప్పారు.