ఖాట్మండూలో వాజ్‌పేయికి ఘనస్వాగతం

ఖాట్మండూః భారత ప్రధాని వాజ్‌ పేయికి ఖాట్మండూలో గురువారం మధ్యాహ్నం ఘన స్వాగతం లభించింది. శుక్రవారం జరిగే సార్క్‌ శిఖరాగ్ర సదస్సులో పాల్గొనేందుకు వాజే పేయి గురువారం ఖాట్మండూ చేరుకున్నారు. నేపాల్‌ ప్రధాని తేజ్‌ బహదూర్‌ భారత ప్రధానికి త్రిభువన్‌ ఎయిర్‌ పోర్ట్‌ లో ఘన స్వాగతం పలికారు. అనంతరం గౌరవ వందనం స్వీకరించిన భారత ప్రధాని విలేకరుల ప్రశ్నలకు చిరునవ్వే సమాధానంగా నేరుగా ప్రపంచప్రఖ్యాత పశుపతినాథ్‌ ఆలయానికి వెళ్ళారు.

విదేశాంగశాఖ కార్యదర్శి చోకిలా అయ్యర్‌, నేపాల్‌ లో భారత రాయబారి ఐ.పి. సింగ్‌ ప్రధాని వెంట వున్నారు. ఆ తరువాత వాజ్‌ పేయి నేపాల్‌ ప్రధానితో చర్చలు జరుపుతారు. వాజ్‌ పేయి గౌరవార్థం రాజు జ్ఞానేంద్ర ఇచ్చిన విందులో పాల్గొంటారు. సార్క సభ్య దేశాలైన మాల్దీవులు, పాకిస్తాన్‌, శ్రీలంక, బంగ్లాదేశ్‌, బూటాన్‌, నేపాల్‌ అధికారులు ఇప్పటికే ఖాట్మండూ చేరుకున్నారు.

తెలుగు మ్యాట్రిమోనిలో మీకు నచ్చిన జీవిత భాగస్వామి ఎంపికలు - రిజిస్ట్రేషన్ ఉచితం!