జార్ఖండ్‌లో పోలీసుస్టేషన్‌పై దాడి

రాయ్‌పూర్‌: నిషిద్ధ మావోయిస్టు కమ్యూనిస్టుసెంటర్‌ (ఎంసిసి) సాయుధ తీవ్రవాదులు జార్ఖండ్‌లోని లతేహార్‌ జిల్లాలో గల ఒక పోలీసుస్టేషన్‌పై దాడి చేశారు. ఈ సంఘటన సోమవారం రాత్రి జరిగింది. పోలీసులకు, తీవ్రవాదులకు మధ్య హోరాహోరీ కాల్పులు జరిగాయని మంగళవారం పోలీసులు చెప్పారు.

ఈ సంఘటనలో ఇరు వైపులా ఎవరూ మరణించలేదు. దాదాపు 50 మంది సాయుధ తీవ్రవాదులు అత్యధునాతన ఆయుధాలతో వచ్చి పోలీసుస్టేషన్‌ టెలిఫోన్‌ లైన్‌ను కట్‌ చేశారు. పోలీసులతో దాదాపుఅరగంట సేపు తలపడ్డారు. ఆ తర్వాత తీవ్రవాదులు పారిపోయారు. తీవ్రవాదుల కోసం లతేహార్‌, పలమావు జిల్లాల్లోని పలు ప్రాంతాల్లో పోలీసులు గాలింపు చర్యలు చేపట్టారు.