వెన్నుపోటుదార్లకు నోటీసులు: ఎమ్మెస్సార్‌

హైదరాబాద్‌: ఇటీవలిమినీ మున్సిపల్‌ ఎన్నికల్లో పార్టీ వ్యతిరేక కార్యకలాపాలకు పాల్పడినవారికి సంజాయిషీ నోటీసులు ఇవ్వాలని ప్రదేశ్‌ కాంగ్రెస్‌ కమిటీ(పిసిసి) నిర్ణయించింది. పార్టీ అభ్యర్థుల ఓటమికి పని చేసినవారికి ఈ నోటీసులు జారీ చేస్తామని పిసిసి అధ్యక్షుడుఎం. సత్యనారాయణ రావు విలేకరులకు చెప్పారు.

అభ్యర్థుల నుంచిఅందిన లిఖిత పూర్వక ఫిర్యాదులను పిసిసి ఆఫీసు బియరర్ల సమావేశం మంగళవారం పరిశీలించింది. సంజాయిషీ నోటీసులకు సమాధానం ఇవ్వకపోతే పార్టీ నుంచి సస్పెండ్‌ చేస్తామని సత్యనారాయణ రావు చెప్పారు. పార్టీ అభ్యర్థుల ఓటమికి కారణమైనవారిని ఉపేక్షించబోమని ఆయన హెచ్చరించారు. హైదరాబాద్‌ మేయర్‌ అభ్యర్థి డి. నాగేందర్‌ నుంచి కూడావివరణ తీసుకోవాలని సమావేశం నిర్ణయించింది.