న్యూయార్క్‌ లో ఎపి టెక్నాలజీ కౌన్సిల్‌

న్యూయార్క్‌ః అమెరికాలో వుంటున్న తెలుగు ప్రముఖులతో పాటు ఆంధ్రప్రదేశ్‌ కు చెందిన ప్రముఖులతో ఎ.పి. టెక్నాలజీ కౌన్సిల్‌ ను చంద్రబాబు నాయుడు ఏర్పాటు చేశారు. ప్రస్తుతం న్యూయార్క్‌ లో పర్యటిస్తున్న ఆంధ్రప్రదేశ్‌ ముఖ్యమంత్రి చంద్రబాబు నాయుడు ఆదివారం నాడు ఈ కౌన్సిల్‌ కు శ్రీకారం చుట్టారు. ఆంధ్ర రాష్ట్రంలో వివిధ రంగాల అభివృద్ధికి ప్రవాసాంధ్రులు తరలి రావాలని చంద్రబాబు నాయుడు ఈ సందర్భంగా పిలుపునిచ్చారు.

సిలికాన్‌ వ్యాలీ కేంద్రంగా ఈ ఎ.పి.టెక్నాలజీ కౌన్సిల్‌ పనిచేస్తుంది. ఆంధ్రప్రదేశ్‌ కు చెందిన ఐ.టి.రంగ్‌ ప్రముఖులతో పాటు అమెరికాలో వుంటున ప్రవాసాంధ్ర ప్రముఖులు కూడా ఈ కౌన్సిల్‌ లో సభ్యులుగా వుంటారు. ఆంధ్రరాష్ట్రంలో టెక్నాలజీ రంగం అభివృద్ధికి తీసుకోవాల్సిన చర్యలపై ఈ కౌన్సిల్‌ దృష్టి సారిస్తుంది. 2020 నాటికి దారిద్ర్య నిర్మూలన చేయాలని, ఐదేళ్ళలో రాష్ట్రంలో సంపూర్ణ అక్షరాస్యత సాధించాలనే లక్ష్యాలతో తమ ప్రభుత్వం ముందుకు సాగుతున్నదని చంద్రబాబు ప్రవాసాంధ్రులకు చెప్పారు.