పాక్‌ పై యుద్ధానికి జాప్యమేలఃఫరూఖ్‌

జమ్ముః వాస్తవాధీన రేఖను అంతర్జాతీయ సరిహద్దుగా గుర్తించాలని జమ్ము కాశ్మీర్‌ ముఖ్యమంత్రి ఫరూఖ్‌ అబ్దుల్లా అభిప్రాయ పడ్డారు. పాకిస్తాన్‌ ఇన్నిఅకృత్యాలు చేస్తున్నా ఇంకా యుద్ధం ప్రకటించకుపోవడానికి కారణం ఏమిటని ఆయన ప్రశ్నించారు. కాశ్మీర్‌ సమస్యకు ఒకటే పరిష్కారం అని అది వాస్తవాధీన రేఖను అంతర్జాతీయ సరిహద్దుగా గుర్తించడం ఒకటేనని ఆయన అన్నారు.

సోమవారం జమ్ములో ఆయనవిలేకరులతో మాట్లాడుతూ కార్గిల్‌ యుద్ధం చేశాం.... మనకు ఒరిగిందేముంది..... ఇన్ని మాటలు అనవసరం.... కాశ్మీర్‌ లో రోజూ పదుల సంఖ్యలో మరణాలు సంభవిస్తున్నా పాక్‌ పై ఇంతవరకు ఎందుకు యుద్ధం ప్రకటించలేదని ఆయన ఆవేదనగా అన్నారు. వాస్తవాధీన రేఖను అంతర్జాతీయ సరిహద్దుగా గుర్తించేది లేదంటూ ప్రధాని వాజ్‌పేయి చేసిన ప్రకటనకు విరుద్దంగా ఫరూఖ్‌ అబ్దుల్లా ఈ ప్రకటన చేయడంవిశేషం.