కృష్ణా ఉత్సవాలకు బెజవాడ ముస్తాబు

విజయవాడః ఆంధ్రరాష్ట్రంలో పర్యాటక రంగాన్ని అభివృద్ధి చేసే లక్ష్యంతో తలపెట్టిన కృష్ణా ఉత్సవాలు గురువారం నుంచి ప్రారంభం కానున్నాయి. కృష్ణా జిల్లా వైభవాన్ని, సంస్కృతీ సంప్రదాయాలను ఇనుమడింపచేసే విధంగా ఈ ఉత్సవాలను ఏర్పాటు చేస్తున్నట్లు జిల్లా కలెక్టర్‌మీనా చెప్పారు. గురువారం నుంచి మూడు రోజులపాటు ఈ ఉత్సవాలు జరుగుతాయి.విజయవాడ, మంగినపూడి బీచ్‌, బందర్‌, దివిసీమల్లో ఈ ఉత్సవాలని ఏర్పాటు చేశారు. జిల్లాలోని అన్ని పర్యాటక కేంద్రాలనువిద్యుత్‌ దీపాలతో అలంకరించారు.

కృష్ణా ఉత్సవాల సందర్భంగా ప్రత్యేక కళా సాంస్కృతిక కార్యక్రమాలు ఏర్పాటు చేశారు.పసందైన వంటకాలకు పెట్టింది పేరైన కృష్ణా జిల్లా వంటకాలను ఈ సందర్భంగా స్టాల్స్‌ లో వడ్డిస్తారు. ఎడ్లపందాలు, కోలాటాల కోలాహాల సంగతిసరేసరి.