జంటనగరాల్లో బాబు సంచలనం

హైదరాబాద్‌ః రాష్ట్ర ముఖ్యమంత్రి చంద్రబాబునాయుడు శనివారం నాడు ఆకస్మికంగా చేపట్టిన తనిఖీలతో అధికార యంత్రాంగం బెంబేలెత్తింది. పచ్చదనం పరిశుభ్రత కార్యక్రమంలో భాగంగా ముఖ్యమంత్రి శినివారం నాడు మొదట ఎర్రమంజిల్‌లోని ఇరిగేషన్‌ శాఖ ప్రధాన కార్యాలయాన్ని తనిఖీ చేశారు.

రెండేళ్ల క్రితం తాను ఈ కార్యాలయాన్ని తనిఖీ చేసినప్పటికీ ఇప్పటికీ అక్కడ మార్పు లేకపోవడం పట్ల ఆయన తీవ్ర ఆగ్రహం వ్యక్తం చేశారు.పైళ్లు దుమ్ముపేరుకుపోయి వుండటం, కుర్చీలు, టేబుళ్లు పాతబడిపోయి వుండటం చూసి అసంతృప్తి వ్యక్తం చేశారు.ఫైళ్లు శుభ్రంగా వుంచడానికి అవసరమైన కొంత ఫర్నిచర్‌ కొనడానికి ఎంతవుతుందని అధికారులను ప్రశ్నించారు. తనిఖీ సందర్భంగా రోడ్లు భవనాల శాఖలో అక్రమాలను గురించి ఆయన ఆరా తీశారు. ఈ అక్రమాలపైవిచారణ నత్తనడక నడుస్తుండటం పట్ల ఆయన అధికారులను మందలించారు. ఆ తర్వాత సచివాలయం ప్రాంగణంలో నిర్మిస్తున్న కొత్త భవనాలను పరిశీలించారు. పనులు వేగంగా పూర్తి చేయాలని అధికారులను ఆదేశించారు.