ఏసిబి వలలో గుమాస్తా

హైదరాబాద్‌ః మండల కార్యాలయంలో గుమాస్తాగా పనిచేస్తూ కోట్ల రూపాయల మేర ఆస్తులు కూడబెట్టిన ఒక వ్యక్తి ఏసిబి వలలో పడ్డారు. మెదక్‌ జిల్లా కంగ్జి మండల రెవిన్యూ కార్యాలయంలో సీనియర్‌ అసిస్టెంట్‌గా పనిచేస్తున్న సంగమేశ్వర్‌ కోటీ ఇరవై లక్షల రూపాయలకు పైగా ఆస్తులను కలిగి వున్నట్టుగా ఏసిబి దాడిలో వెల్లడయింది.

మన రాష్ట్రంతో పాటు కర్ణాటకలో ఏకకాలంలో నిర్వహించిన దాడుల్లో సంగమేశ్వర్‌ అక్రమార్జన బయటపడిందని ఏసిబి డైరెక్టర్‌ జనరల్‌ రామావతార్‌ యాదవ్‌ చెప్పారు. సంగమేశ్వర్‌కు ఎనిమిది లారీలు, ప్లాట్లు, ఇళ్లు, 40 ఎకరాల వ్యవసాయ భూమి వున్నాయి. రెండు ఇండికా కార్లు,రైసు మిల్లు ఫైనాన్స్‌ కంపెనీల్లో భాగస్వామ్యం వున్నాయి.