యాసిన్‌కు ఏడు రోజుల రిమాండ్‌

జమ్ము: జమ్మూ కాశ్మీర్‌ లిబరేషన్‌ ఫ్రంట్‌ (జెకెఎల్‌ఎఫ్‌) చైర్మన్‌, హురియత్‌ కాన్ఫరెన్స్‌ నేత యాసిన్‌ మాలిక్‌ను ఏడు రోజుల పాటు పోలీసు కస్టడీకి రిమాండ్‌ చేశారు. మాలిక్‌ను పొటో కింది సోమవారంఅరెస్టు చేసిన విషయం తెలిసిందే.

యాసిన్‌ మాలిక్‌అరెస్టుకు కాశ్మీర్‌ లోయలో మంగళవారం రెండో రోజు కూడా నిరసన వ్యక్తమవుతోంది.జమ్మూకు 70 కిలోమీటర్ల దూరంలో గల ఉద్ధంపూర్‌కు మాలిక్‌ను తీసుకొచ్చి స్థానిక మేజిస్ట్రేట్‌ ముందుహాజరు పరిచారు. ఆయను ఏప్రిల్‌ 1వ తేదీ వరకు పోలీసుస్టేషన్‌కు రిమాండ్‌ చేస్తూ మెజిస్ట్రేట్‌ ఆదేశాలు జారీ చేశారు.

కస్టడీలో తీసుకున్న తర్వాత పోలీసులు మాలిక్‌ ఇంటిని, జెకెఎల్‌ఎప్‌ కార్యాలయాన్ని సోదా చేశారు. కొన్ని పత్రాలతో పాటు ఒసామాబిన్‌ లాడెన్‌పై గల ఒక పుస్తకాన్ని పోలీసులు స్వాధీనం చేసుకున్నారు.
అరెస్టయిన ఇద్దరు వ్యక్తులతో తనకేమీ సంబంధం లేదని, రాజకీయ దురుద్దేశాలతోనే తననుఅరెస్టు చేశారని మాలిక్‌ అంటున్నారు.