కుటుంబ సభ్యులతో నైనీటాల్‌లో ప్రధాని

నైనీటాల్‌: భారీ భద్రత మధ్య మూడు రోజుల అనధికార పర్యటన నిమిత్తం ప్రధాని అటల్‌బిహారీ వాజ్‌పేయి గురువారం నైనీటాల్‌కు చేరుకున్నారు.

ఆయన న్యూఢిల్లీ నుంచివిమానంలో బయలుదేరి ఉత్తరప్రదేశ్‌లోని బరేలీ చేరుకున్నారు. బరేలీవిమానాశ్రయంలో ఆయనకు ఉత్తరాంచల్‌ ముఖ్యమంత్రి ఎన్‌.డి. తివారీ, కేంద్ర శాస్త్ర, సాంకేతిక సహాయ మంత్రి బచ్చీ సింగ్‌ రావత్‌స్వాగతం పలికారు.

బరేలీ నుంచి ప్రధాని తన దత్త పుత్రిక నమిత, అల్లుడు రంజన్‌ భట్టాచార్య, మనవరాలు నిహారికలతో హెలికాప్టర్‌లో నైనిటాల్‌ చేరుకున్నారు.

నైనీటాల్‌లో ఆయన రాజభవన్‌లో వుంటారు. ఆయనకు గవర్నర్‌ ఎస్‌ఎస్‌ బర్నాల సాదరస్వాగతం చెప్పారు. ప్రధానిది పూర్తి అనధికార పర్యటన అని ప్రధాని కార్యాలయ అధికారి చెప్పారు.