జన్మభూమి సంగతి తేలుద్దాం రండి

హైదరాబాద్‌ః చంద్రబాబు నాయుడు ఘనంగా చెప్పుకుంటున్న జన్మభూమి కార్యక్రమంలో జరుగుతున్న అవకతవకల గురించి తెలుసుకొనేందుకు పల్లెల్లో పర్యటిద్దామంటూ కాంగ్రెస్‌ పార్టీ సవాల్‌విసిరింది. సత్తా వుంటే కేవలం నాలుగు నియోజకవర్గాల్లో పర్యటించేందుకు చంద్రబాబు సిద్ధం కావాలని కాంగ్రెస్‌ అధికార ప్రతినిధికె. రోశయ్య సవాలు చేశారు. దారి ఖర్చులను కూడా మేమేపెట్టుకుంటాం.. ఆయన నాలుగు నియోజక వర్గాల్లో పర్యటిస్తే జన్మభూమి బండారం బయటపడుతుందని రోశయ్య అన్నారు.

జన్మభూమి గురించి చంద్రబాబు నాయుడు ఘనంగా ప్రచారం చేసుకుంటున్నారని, వాస్తవం ఏమిటనేవిషయం తేలాలంటే పల్లెల్లో తమతో పాటు తిరిగేందుకు ఆయన సిద్ధం కావాలని ఆయన నిలదీశారు. జన్మభూమి కార్యక్రమం స్థానిక సంస్థలను నిర్వీర్యం చేస్తున్నదంటూ కాంగ్రెస్‌ అధ్యక్షురాలు సోనియాగాంధీ బహిరంగంగావిమర్శించిన నాటి నుంచి దేశం-కాంగ్రెస్‌ పార్టీల మధ్యపెను వివాదం చెలరేగుతున్న విషయం విదితమే.