ఆహార పథకం పనులు ఇంటర్నెట్‌ లో!

హైదరాబాద్‌: పనికి ఆహార పథకం కింద జరిగిన అన్ని పనులవివరాలను ఇంటర్నెట్‌ లో ఉంచాలని ముఖ్యమంత్రి చంద్రబాబు నాయుడు అధికారులను ఆదేశించారు. ఇప్పటివరకు జరిగిన అన్ని పనులవివరాలను పూర్తిగా ఇంటర్నెట్‌ లో ఉంచి ప్రజలకుఅందుబాటులో ఉంచాలన్నారు.

ఏ పని కింద ఎంత ఖర్చు చేసింది, ఎంత మంది ప్రజలు ఇందులో పాల్గొన్నది, కాంట్రాక్టర్లపేర్లు, పని కింద పంపిణీ చేసిన బియ్యం కోటా...తదితరవివరాల డాటాను వెబ్‌ సైట్‌ లో పెట్టాలని ఆయన అధికారులకు ఆదేశాలు జారీచేశారు. రాష్ట్రంలోని ఉన్నతాధికారులు, కలెక్టర్‌లతో ఆయన సోమవారం హైదరాబాద్‌ లోని తన కార్యాలయం నుంచి టెలిఫోన్‌ కాన్ఫరెన్స్‌ జరిపారు. అయితే, ఎట్టి పరిస్థితుల్లోనూ డాటాలో మార్పులు చేయకూడదని, ఉన్నదున్నట్లుపెట్టాలని ఆయన స్పష్టం చేశారు.