వేగవంతమైన అలర్ట్స్ కోసం
For Daily Alerts
మరో ఐటి కారిడార్: 25వేల ఉద్యోగాల కల్పన
హైదరాబాద్: రాష్ట్రంలో మరో ఇన్ఫర్మేషన్ టెక్నాలజీ ( ఐటి) కారిడార్ ఏర్పాటుకు రంగం సిద్ధమైంది. హౌసింగ్ బోర్డు ఆధ్వర్యంలో నిర్మాణమైన సింగపూర్ టౌన్షిప్ సమీపంలో ఈ ఐటి కారిడార్ను నెలకొల్పతారు. దీని వల్ల మరో 25 వేల ఐటి ఉద్యోగాల కల్పన జరుగుతుందని హౌసింగ్ బోర్డు వైస్ చైర్మన్ మహంతి శుక్రవారం మీడియా ప్రతినిధులతో చెప్పారు. సింగపూర్ టౌన్షిప్ వద్ద 106 ఎకరాల స్థలంలో ఈ కారిడార్ నిర్మాణం జరుగుతుందని ఆయన చెప్పారు. మాదాపూర్ వద్ద ఐటి కారిడార్ నిర్మిస్తున్న కె. రహెజా కంపెనీకే రెండో కారిడార్ నిర్మాణం బాధ్యతలు కూడా అప్పగించినట్లు ఆయన తెలిపారు. ఈ మేరకు రహేజా కంపెనీతో ఒప్పందం కుదిరిందని ఆయన చెప్పారు. ఐటి కారిడార్ నిర్మాణం వల్ల సింగపూర్ టౌన్షిప్ ప్రాంతం అభివృద్ధి జరుగుతుందని ఆయన చెప్పారు.
Comments
Story first published: Friday, August 26, 2005, 23:53 [IST]