అసెంబ్లీకి కాలినడకన బిజెపి ఎమ్మెల్యేలు

హైదరాబాద్‌: భారతీయ జనతా పార్టీ (బిజెపి) శాసనసభ్యులు జి కిషన్‌ రెడ్డి, దొరబాబు కాలినడకన మంగళవారం శాసనసభకు వచ్చారు. అంబర్‌పేట నుంచి ప్రారంభించిన కాలినడక యాత్ర అసెంబ్లీకి చేరింది. వెనకబడిన తరగతుల విద్యార్థులకు స్కాలర్‌షిప్‌లు ఇవ్వకపోవడాన్ని నిరసిస్తూ బిజెపి శాసనసభ్యులు ఈ కాలినడక క్యాక్రమాన్ని చెప్పారు.

బడ్జెట్‌లో బిసి విద్యార్థులకు మరిన్ని నిధులు కల్పించాలని కిషన్‌రెడ్డి ప్రభుత్వాన్ని డిమాండ్‌ చేశారు. బిసి విద్యార్థుల స్కాలర్‌షిప్‌ల విడుదలకు ప్రత్యే నిధులు కేటాయించాలని ఆయన డిమాండ్‌ చేశారు. నిత్యావసర సరుకుల ధరలు విపరీతంగా పెరిగాయని ఆయన అన్నారు.