రెండో ఎస్సార్సీయే: గాదె వెంకటరెడ్డి

హైదరాబాద్: ప్రత్యేక తెలంగాణ విషయంలో తాము రెండో ఎస్సార్సీకి కట్టుబడి ఉన్నామని కాంగ్రెస్ సీనియర్ శాసనసభ్యుడు గాదె వెంకటరెడ్డి అన్నారు. తమ పార్టీ విధానం రెండో ఎస్సార్సీయేనని ఆయన అన్నారు. ఆ విధానంలో ఇంకా మార్పు చేయలేదని, అందువల్ల రెండో ఎస్సార్సీయే తమ విధానమని ఆయన బుధవారం మీడియా ప్రతినిధులతో అన్నారు.

తెలంగాణ విషయంలో ఆ ప్రాంతనాయకులు మాట్లాడుతున్న విషయాలపై ఆయన ప్రతిస్పందిస్తూ వారి అభిప్రాయాలు వారివని అన్నారు. తాను రెండో ఎస్సార్సీకి కట్టుబడి ఉంటానని ఆయన చెప్పారు. ఆంధ్రప్రదేశ్ కాంగ్రెస్ వ్యవహారాల ఇంచార్జీ వీరప్ప మొయిలీని ఆయన లేక్ వ్యూ అతిథిగృహంలో కలిశారు.