ఎన్టీఆర్ కు ఘనంగా నివాళులు

హైదరాబాద్: దివంగత ఎన్టీ రామారావుకు తెలుగుదేశం నాయకులు, కుటుంబ సభ్యులు శుక్రవారం ఘనంగా నివాళులర్పించారు. ఎన్టీ రామారావు వర్ధతి సందర్భంగా వారు ఎన్టీఆర్ ఘాట్ కు వచ్చి శ్రద్ధాంజలి ఘటించారు. తెలుగుదేశం అధ్యక్షుడు నారా చంద్రబాబునాయుడు, భువనేశ్వరి దంపతులు, ఎన్టీఆర్ కుమారులు హరికృష్ణ, బాలకృష్ణ నివాళులర్పించినవారిలో ఉన్నారు.

అక్కినేని నాగేశ్వరరావు, జూనియర్ ఎన్టీఆర్, ఎన్టీఆర్ రెండవ భార్య లక్ష్మీ పార్వతి ఎన్టీ రామారావుకు నివాళులర్పించారు. ఎన్టీఆర్ అమరజ్యోతి ర్యాలీని చంద్రబాబునాయుడు ప్రారంభించారు. ఎన్టీఆర్ సేవలను అక్కినేని నాగేశ్వరరావు గుర్తు చేసుకున్నారు.