చిరంజీవి చెప్తే వచ్చా: అల్లు అర్జున్

హైదరాబాద్: మెగాస్టార్ చిరంజీవి చెప్తే తాను వచ్చానని తెలుగు సినీ హీరో అల్లు అర్జున్ చిరంజీవి అభిమానులను ఉద్దేశించి అన్నారు. చిరంజీవి అభిమానులు ఆదివారంనాడు హైదరాబాదులోని సంజీవరెడ్డి నగర్ లో భారీ రక్త దానశిబిరాన్ని ఏర్పాటు చేశారు. ఈ శిబిరానికి అల్లు అర్జున్ ముఖ్య అతిథిగా వచ్చారు. మెమెంటోలు అందజేశారు.

సినిమా షూటింగ్ మధ్యలో తాను గంట ఖాళీ ఉన్నా బయటకు రాబోనని, ఈ రోజు వచ్చానని ఆయన చెప్పారు. రక్తదాన శిబిరానికి హాజురు కావాలని తనను చిరంజీవి అడిగారని, దాంతో ఇక్కడికి వచ్చానని ఆయన చెప్పారు. ఇటువంటి కార్యక్రమాలు షూటింగ్ లేని రోజుల్లో ఉండేట్లు చూసుకుంటానని ఆయన చెప్పారు.