హైద్రాబాద్ కంటే విశాఖ టాప్, ఎక్కడ?

హైదరాబాద్ : స్ధూల ఉత్ప్త్తి త్తి, తలసరి ఆదాయాల్లో రాష్ట్రంలోనే విశాఖపట్నం జిల్లా అగ్రస్థానంలో నిలిచిందని ఆర్థిక సర్వే వెల్లడించింది. ఇంతవరకూ ఆ స్థానంలో నిలిచిన రాజధాని హైదరాబాద్‌ను సైతం వెనక్కు నెట్టి విశాఖ జిల్లా ఆ స్థానాన్ని ఆక్రమించింది.

ఆ తర్వాతి మూడు స్థానాల్లో వరుసగా తూర్పు గోదావరి, కృష్ణా, రంగారెడ్డి జిల్లాలుండగా, ఆరో స్థానంలో గుంటూరు, ఏడో స్థానంలో పశ్చిమ గోదావరి, తొమ్మిదో స్థానంలో మెదక్ జిల్లాలు నిలిచాయి.

రాయలసీమ నుంచి టాప్ టెన్‌లో చోటు దక్కించుకున్న ఏకైక జిల్లా చిత్తూరు మాత్రమే కావడం గమనార్హం. ముఖ్యమంత్రి వైఎస్‌కు చెందిన కడప జిల్లా 21వ స్థానంలో నిలవడం ద్వారా నిరాశపరిచింది.