చిదంబరం బడ్జెట్ అమోఘం: ప్రధాని

న్యూఢిల్లీ: ఆర్థిక మంత్రి చిదంబరం ప్రతిపాదించిన బడ్జెట్ అద్భుతంగా ఉందని ప్రధాని డాక్టర్ మన్మోహన్ సింగ్ ప్రశంసించారు. రుణ భారంతో కృంగిపోతున్న రైతులను చిదంబరం పట్టించుకున్నారని, ద్రవ్యోల్బణ నియంత్రణకు, ఉపాధి పెంపునకు, జిడిపి పెరుగుదల రేటు మెరుగుకు చిదంబరం బడ్జెట్ ఉపయోగపడుతుందని ఆయన అన్నారు. ఆర్థికాభివృద్ధికి చిదంబరం బడ్జెట్ తోడ్పడుతుందని ఆయన శుక్రవారం మీడియా ప్రతినిధులతో అన్నారు.

ఆమ్ ఆద్మీకి, మధ్యతరగతి ప్రజలకు, రైతులకు బడ్జెట్ ఎంతో మేలు చేస్తుందని ఆయన చెప్పారు. యుపిఎ ప్రభుత్వ ఆశయాలను చిదంబరం బడ్జెట్టులో ప్రతిబింబించారని ఆయన చెప్పారు. ఆదాయం పన్ను భారం తగ్గించడం వల్ల ఎంతో మంది లాభ పడతారని ఆయన చెప్పారు. 60 వేల కొట్ట రుణాల మాఫీ ద్వారా రైతులను చిదంబరం బడ్జెట్ ఆదుకుందని ఆయన చెప్పారు. మొత్తం మీద బడ్జెట్ అభివృద్ది వేగాన్ని కాపాడుతుందని, మరిన్ని ఉపాధి అవకాశాలను పెంచుతుందని ఆయన చెప్పారు.