సాఫ్ట్ వేర్ ఉత్పత్తులు ప్రియం: కార్లు చౌక

న్యూఢిల్లీ: సాఫ్ట్ వేర్ ఉత్పత్తులు ఇక ప్రియం కానున్నాయి. కార్లు, బస్సులు, మోటారు సైకిళ్ల ధరలు తగ్గనున్నాయి. చిన్న కార్లు, మోటారు సైకిళ్లపై 4 శాతం ఎక్సైజ్ డ్యూటీ తగ్గిస్తూ కేంద్ర ఆర్థిక మంత్రి పి. చిదంబరం 2008 - 2009 బడ్జెట్ ను శుక్రవారం లోకసభలో ప్రతిపాదించారు. బస్సులు తయారీపై కూడా ఎక్సైజ్ డ్యూటీని తగ్గించారు. సిమెంట్ ధరలు కాస్తా తగ్గనున్నాయి.

పశువుల దాణా, పౌల్టీ ఫీడ్ లపై కస్టమ్స్ సుంకాన్ని తగ్గించారు. సెట్ టాప్ బాక్సుల ధరలు తగ్గనున్నాయి. టీవీ, కేబుల్ టీవీ సామాగ్రిపై కస్టమ్స్ సుంకాన్ని మంత్రి సగానికి తగ్గించారు. వజ్రాభరణ పరిశ్రమకు రాయితీలు ప్రకటించారు. కొత్తగా నాలుగు సేవలను సర్సీస్ టాక్స్ పరిధిలోకి తెచ్చారు. సిగరెట్ల ధరలు పెరగనున్నాయి. ఏప్రిల్ 1వ తేదీ నుంచి బ్యాంకు లావాదేవీలపై పన్నును మినహాస్తున్నారు.