చిరంజీవి బీసీల ఆశ తీరుస్తాడు: ఆర్ కృష్ణయ్య

తుని: చిరంజీవి పార్టీ పెట్టడం ఖాయమని వెనుకబడిన తరగతుల నాయకుడు ఆర్ కృష్ణయ్య తెలిపారు. కొంత మంది దుష్ప్రచారం చేస్తున్నట్టు ఆయన ఏ ఒక్కరి వాడో కాదని, ఆయన అందరి వాడని కృష్ణయ్య అన్నారు. చిరంజీవి వర్గీయులతో చర్చలు జరిపామని, ఆయన బీసీలకు 150 అసెంబ్లీ టికెట్లు ఇవ్వడం ఖాయమని తెలిసిందని ఆయన్ చెప్పారు.

తనకు జరిగిన సన్మాన కార్యక్రమం అనంతరం విలేకరుల సమావేశంలో కృష్ణయ్య మాట్లాడారు. అసెంబ్లీ ఎన్నికల్లో 150 కి పైగా సీట్లు ఇచ్చే పార్టీకే మద్దతు ఇస్తామని ఆయన చెప్పారు. తమ ఆకాంక్షలకు మద్దతుగా ఆయన స్పందించినందువల్లనే చిరంజీవి పార్టీకి మద్దతు ఇచ్చే అవకాశముందని ఆయన తెలిపారు.