భయం భయంగా పన్ను చెల్లించిన సినీ ప్రముఖులు

హైదరాబాద్: సినీ ప్రముఖులపై ఆదాయపు పన్నుశాఖ దృష్టి పెట్టడంతో కొందరు ఆగమేఘాల మీద పన్ను బకాయిలు చెల్లించినట్టు తెలుస్తోంది. సినిమాల్లోనే కాకుండా రియల్ ఎస్టేట్ వ్యాపారంలోనూ భారీగా సంపాదిస్తున్న నాగార్జున అందరికంటే ఎక్కువగా ఆశ్చర్యకరమైన మొత్తాన్ని ఆదాయపు పన్ను శాఖకు చెల్లించినట్టు అధికార వర్గాలు అనధికారికంగా చెబుతున్నాయి.

చిరంజీవి తమ్ముడు పవన్ కళ్యాణ్, కుమారుడు రాం చరణ్ తేజ కూడా అదాయపు పన్ను చెల్లించారు. పవన్ పన్ను బకాయిలు చెల్లించగా రాం చరణ్ మాత్రం కొత్తగా పన్ను చెల్లింపుదారుడయ్యారు. ఇంకా నిర్మాత అశ్వనీదత్, మోహన్ బాబు భారీ ఎత్తున పన్ను బకాయిలు చెల్లించినట్టు తెలిసింది. ఇలియానా, సుమంత్, తరుణ్ , మహర్షి, చిన్నాలు కూడా అదే బాటలో నడిచారు.