యువీ తాజా హీరోయిన్ రైమా

ముంబయి: క్రికెటర్ యువరాజ్ సింగ్ ప్రేమకథలో తాజాగా కొత్త హీరోయిన్ వచ్చి చేరింది. మొదట కిమ్ శర్మతో, ఆ తర్వాత దీపికా పడుకొనేతో ప్రేమాయణం నడిపిన యువరాజ్ సింగ్ తాజా మరో బాలీవుడ్ నటి ప్రేమలో పడినట్లు సమాచారం. అతను రైమా సేన్ తో తాజాగా రోమాన్స్ చేస్తున్నట్లు తెలుస్తోంది. ఈ ఇద్దరు విల్స్ ఇండియా ఫేషన్ వీక్ సందర్భంగా కలిశారు. ఈ కార్యక్రమంలో యువరాజ్ సింగ్ ర్యాంప్ పై క్యాట్ వాక్ చేశాడు.

మేకప్ చేసుకుంటున్న రైమా సేన్ వద్దకు వెళ్లాడట. ఈ సమయంలో ఇద్దరి కళ్లు కలుసుకున్నాయట. ఇంకేముంది. ప్రేమ చిగురించింది. అంతే, రాత్రి డిన్నర్ పార్టీకి చెక్కేశారు. ఓ నైట్ క్లబ్ ఆర్థరాత్రి దాటేంత వరకు ఊసులాడుకున్నారని సమాచారం. ముచ్చటగా మూడోసారైనా యువీ ప్రేమ ఫలించేనా అనేది వేచి చూడాల్సిందే.