మోగిన కర్ణాటక ఎన్నికల నగారా

న్యూఢిల్లీ: కర్ణాటక శాసనసభ ఎన్నికల నగారా మోగింది. మే 10, 16, 22 తేదీల్లో కర్ణాటక శాసనసభ ఎన్నికలు జరుగుతాయి. ఎన్నికల కమీషన్ బుధవారం కర్ణాటక ఎన్నికల షెడ్యూల్ ను ప్రకటించింది. మే 25వ తేదీన ఓట్ల లెక్కింపు జరుగుతుందని, వెంటనే కర్ణాటకలో ఎన్నికల ప్రవర్తనా నియమావళి అమలులోకి వస్తుందని ప్రధాన ఎన్నికల కమీషనర్ గోపాలస్వామి బుధవారం ప్రకటించారు. మే 10వ తేదీన 89, 16వ తేదీన 69, 22వ తేదీన 66 సీట్లకు పోలింగ్ జరుగుతుంది. కర్ణాటక శాసనసభలో మొత్తం 224 సీట్లు ఉన్నాయి.

మొదటి దశ పోలింగుకు ఈ నెల 16వ తేదీన వెలువడుతుంది. నామినేషన్ల దాఖలుకు ఏప్రిల్ 23 చివరి తేదీ. ఏప్రిల్ 26వ తేదీ నామినేషన్ల ఉపసంహరణకు చివరి గడువు. రెండో దశ పోలింగ్ జరిగే నియోజకవర్గాలకు నామినేషన్ల స్వీకరణ ఏప్రిల్ 22వ తేదీన ప్రారంభమై 29వ తేదీన ముగుస్తుంది. తుది దశ పోలింగు సీట్లకు ఏప్రిల్ 26వ తేదీన నామినేషన్ల స్వీకరణ ప్రారంభమై మే 3వ తేదీన ముగుస్తుంది.