తేనెటీగల దాడి: మీరా జాస్మిన్ కు గాయాలు

మహబూబ్ నగర్: తేనె టీగల దాడిలో సినీ నటి మీరా జాస్మిన్ గాయపడింది. మహబూబ్ నగర్ జిల్లా కేశంపేట మండలం చర్లమైసమ్మగుడి వద్ద గోరింటాకు సినిమా యూనిటుపై గురువారం తేనెటీగలు దాడి చేశాయి. ఈ దాడిలో మీరాజాస్మిన్ తో పాటు ఎనిమిది మంది గాయపడ్డారు. అయితే వారికి ప్రాణాపాయం ఏదీ లేదని తెలుస్తోంది. సినిమాలో నటిస్తున్న పాపతో పాటు సినిమా షూటింగు చూడడానికి వచ్చిన ఐదుగురు గ్రామస్థులు తేనెటీగల దాడిలో గాయపడ్డారు.

గోరింటాకు సినిమాలో మీరా జాస్మిన్ హీరో రాజశేఖర్ కు చెల్లెలిగా నటిస్తోంది. ఈ సినిమాకు దర్శకత్వం వహిస్తున్నాడు. కన్నడ సినిమాకు రీమేక్ అయిన ఈ సినిమా షూటింగ్ కోసం మహబూబ్ నగర్ జిల్లా చర్లమైసమ్మగుడి ప్రాంతానికి యూనిటు వచ్చింది. గురువారం పది గంటల ప్రాంతంలో యూనిటుపై తేనెటీగలు దాడి చేశాయి.